日清強力小麥粉

學整包包幾個月，成日聽見用日清粉好D，但係去過好多間日本超市都見唔到有喎！
通常都係得薄力麵粉（即係低筋），心諗，唔通整包包狂熱咁勁，D日清粉比人買到斷哂貨？

收到風759有貨，本來想去搵一下，點知行過UNI見到有喎～仲要好多貨！即時拎左兩包～！
同樣係1kg，但價錢真係貴好多～比起二記，佢差唔多貴一倍～不過，如果整出黎既包包係再好味D，間唔中試下都冇壞既～

買麵粉既同時，仲比我見到有日清既酵母，又係好貴啦～比HOVIS仲要貴～
不過又好想試下喎～難得見到，就買黎玩下啦～

宜家諗緊用日清粉整乜包好～應該要做返一D之前做過既包包，咁先有比較嘛～

傷腦筋中～