忌廉磨菇湯

做忌廉磨菇湯唔係第一次～第一次做時用榨汁機做，D磨菇唔知點解攪極都咁大粒～
今次用Food Processor幫手！未用個Blender已經比上次細滑好多！
參考鬼嫁的食譜做～過程需時！

材料：
啡及白磨菇約各10粒
牛油20g
麵粉4湯匙
洋蔥半個
雞湯500ml
忌廉 180ml
份量同鬼嫁有少少唔同，因為我鍾意香D忌廉，所以加多D～湯我落少D，因為想濃D同唔洗咁大煲～用22Kiwi Marmite煮剛好～

先用牛油炒洋蔥至透明

加入磨菇粒及一湯匙麵粉炒勻

加入雞湯煮滾加蓋煲20分鐘

加入忌廉再加蓋煮10分鐘

用Blender 打滑個湯（冇手影低Blend既過程～）Blend完真係滑左好多

滾多5分鐘再加海鹽調味～咁就攪掂喇！

為Food Processor 開光之晚餐

為Food Processor開光，最好就整肉醬，整左個肉醬千層麵，淨低既肉醬留返黎做意粉～

試埋個Blender，最好就整磨菇湯～成個下晝就O係度玩～嘻嘻～

O係上面加返D CREAM做裝飾，為個湯升級不少～

二人份既千層麵用18cm長方形焗盤最O岩，相公食四分三，我食少半件～

我久不久就想食三文魚頭，我唔愛魚，亦唔愛LUN魚骨，但三文魚頭骨少而且可以啖啖肉～所以我很愛～

有人會食埋隻眼，不過我唔敢～覺得個質感有點可怕～每次我都係挑哂我想食既肉後就FINISH～D皮都好少會食～

三文魚有豐富既蛋白質同Omega 3，好有營養呢～

非常簡單的卷物

上次做飯糰用淨左D珍珠米同紫菜，今日做完FACIAL要解決一人午餐，就整左個吞拿魚卷物！

用左家中既物資，沙律醬同呑拿魚罐頭～
第一次用16ROUND煮飯，有D不知所措，因為好快滾瀉！！
不過最後都做到好靚既白米飯～！
再用米醋調味便可～

用最新既Rose Quartz 23cm Plate放，係醒神D，唔想食飯都要食幾粒啦～

第二個粉紅LC煲

身不由己不能去日本旅行，幸好有個好哥哥～！！

O係大阪OUTLET幫我尋LC！
可惜粉紅心心BUFFET找不到，請佢幫我影低所有粉紅物件！
GOGOGO！！！

第一張相已經令我非常興奮呀～！！

圖中好多煲煲我都好想要架～好似左邊既POWDER PINK OVAL RISOTTO！
ANTIQUE ROSE OVAL 17， SAUCE PAN～
不過最後我揀左中間第二個既16ROUND～

問過哥哥，佢話ROUND好似好過OVAL～我又唔想佢行李超重～所以只敢買一個～不然我在場的話，我實會托埋個PP OVAL RISOTTO！
雖然千叮萬囑哥哥要CHECK真D有冇DEFECT，不過哥哥係”外行人“（佢對LC一D都唔識！）我叫佢CHECK下煲面D字會唔會黑哂甩哂色同煲內唔好有突點～
呢兩樣都冇事，不過回來就發現煲蓋上有一點凹左～不過要細心D睇先覺～反正我係用煲唔係欣賞煲～唔怕啦～

將ANTIQUE ROSE同CHIFFON PINK放埋一齊～就好易分到ANTIQUE ROSE係比較深色D～！我當然愛CP多D，不過我覺得有得揀就一隻色夠喇～而家D煲開始多，要惜買～哈哈！

開光就只用左黎煮一人前既味千拉麵現成版～方便如一般即食麵一樣咁煮～
加左菜同魚旦蟹柳，成煲麵都唔同哂～

Food Processor 開光 ﹣ 整肉醬

買左新玩具返黎兩星期都未開光！今日難得清閒～做一個肉醬先～！

做肉醬做得好多次，因為會整千層麵，炒意粉長通粉咁～
唔夠時間就買現成既意粉醬加洋蔥同肉碎快快有得食～

今日要善用個 Food Processor，就梗係要感受下佢既威力啦～！！

我做既肉醬都好簡單

材料：
甘筍 1條
洋蔥 1個
豬肉 15蚊
罐頭蕃茄1罐
啡及白磨菇 各2粒（今日會整磨菇湯順便加落去）

調味：
百里香少許
BAY LEAVE 2片
牛湯粒 1粒
海鹽 少許

今日點煮個肉醬已經唔係重點～重點係我今日慳左好多時間切野～

切洋蔥粒都唔難，但最怕切甘筍粒！以前要我切一條甘筍我起碼要切幾個字～宜家三幾秒攪掂～

洋蔥用兩秒時間就變成咁～

只需將D甘筍切開大舊，用大少少轉速就可以好快打爛D甘筍～

如果要我用刀切，唔知要切到幾耐先可以變成咁～

再黎試肉碎！再教勁D速度～好快就變成肉醬～

4人分量既肉醬用CP20就夠喇～

三兩下就攪掂～加好哂香草同牛湯粒，就加蓋用細細火煮大半個鐘，然後熄火焗下佢～

基本上呢個醬唔洗點加水，因為我用罐裝原粒蕃茄，用Food Processor 打爛後已變成茄汁！

再加上蕃茄同磨菇煮煮下會出水，所以唔洗點加水都冇問題～

多左既肉醬可以雪起佢下次再用～
不過一般我唔會放超過一星期～幾日內就會用左佢～

我愛拉麵之一風堂

冇得去日本，又好掛住日本既拉麵，唯有搵間似日本拉麵既拉麵店食下～

平常多在尖沙咀活動既我，今日早放工就去左一風堂試下～
平時路過都勁多人O係門口排隊！今日六點半我就到左，唔洗排隊就入得！
入到店裡都幾大，已經坐滿左9成！到六點九已經坐滿，出面仲開始有人等位添呀～

我叫左個白丸拉麵～
鍾意佢濃濃既豬骨湯，配埋幼既拉麵～哈哈，O岩哂我呀～
我仲加左隻半熟蛋～
鍾意濃湯，飲左大半碗！相公話唔覺有味精～正呀～！




相公要左期間限定既北海道鹽味拉麵～個湯都好好味～真係掛住味北海道既鹽味拉麵呀～～～～

叫左個餃子，雖然係普通既餃子，但加左薑同蔥令舍香～

相比起佐敦既拉麵店，一風堂既價錢的確相宜～定必再來～

第一次做Pizza ﹣ 菠蘿芝士薄餅

睇到網上好多煮婦們都紛紛整Pizza!! 原來好易做～
參考左鬼嫁既食譜試試～

不過可能我懶開麵包機打麵糰，只係用手搓到不粘手，感覺不是很脆！
同埋用呢個分量我覺得比較厚（自己又搓大左），所以下次我會減少少～

餅底：

高筋麵粉        200g

乾酵母       5g  

暖水     100g 

鹽        3g  

橄欖油       10g

材料：
茄膏
罐頭菠蘿 一細罐
Mozzarella Cheese

搓麵糰好DIRTY，冇影相，搓到同26 buffet 差唔多SIZE就O係BUFFET度掃上Olive Oil
後然將餅底放上去搽茄膏

罐頭菠蘿切薄片，舖滿整個Pizza

再灑上芝士碎，加熱3分鐘預熱Buffet

然後放入焗爐用250度焗8﹣10分鐘（我家小小焗爐只有21L都可以放到26Buffet，好開心～）

焗到芝士轉金黃色我就收手～都焗左8分鐘，下次試下搓薄D

Buffet Hand Made Pizza 出爐～！！
相公好驚嘆只見我整左半個鐘都冇既時間就整好左個Pizza， 下次朋友到訪又多一味菜色，餡料仲可以百變多元化添～

用LC Chopping 上碟，真係好靚呢～

要繼續努力，諗下下次整乜味道先～

我的快樂孕記 8 ﹣ 第一次的胎動

從剛懷孕的一刻開始，心中總有無窮既擔心同期待～
期待遇第一次睇到BB既心跳，第一次的揮手，第一次食手指，接下來，就係第一次胎動！

很多書籍都話懷孕16﹣20週開始會感覺到胎動！
第一胎既孕婦會比較遟感覺到～一般在19週左右吧！

由踏入第16週一直在等。。。。等。。。。等。。。。
為左叫自己唔好咁心急，分散下注意力，我機乎晚晚都聽著胎心機，每晚都監察著仔仔的心跳！
直至第18週的前一晚，相公著我要開始聽Babyplus，好讓BB的胎教開始了～
於是我便乖乖在床上綁住部Babyplus，一面同仔仔聽住一下一下的“BOMB BOMB”聲，
當然我便一路睇電視啦～要聽一個小時！
大約開始左10分鐘左右，當我唔為意時，突然感覺到肚裡好似被彈了一下的感覺！我呆了！
心諗係咪自己D腸在動呢？再等一下。。。又被彈了一下！感覺很奇妙！AMAZING！！！！
我馬上大叫在廳中的相公！我感覺到BB郁喇！差D感動到要喊出黎～！！！！
不過因為係初初既胎動，相公放手上肚子上仍未感覺得到～哈！呢種感覺唯我獨享～
呢種感覺，除左好似被彈左一下之外，感覺到肚裡的仔仔開始想引起我的注意呢～～感覺很甜呀～

經歷過第一次胎動後，我顯得有點緊張，點解好似唔係踢得好密咁既？不過晚晚都繼續MON住心跳～一切正常～
心裡安慰自己，可能仔仔係個斯文的孩子吧！
直至今早，可能因為放假的關係，我有較多的時間在家靜僘，訓在床上看電視時，突然感覺到BB大力的一踢！！
隔一陣又踢多一下，今次我放隻手在肚子上再感覺下！感覺到！於是我又大叫相公！叫佢耐心地放手在肚子上，耐心地等待～ RELAX～
相公見等左一陣（我諗只有十幾秒）佢就叫， BB快D踢下啦！跟住隔左幾秒BB真係踢左一下～
今次相公都感受到胎動了！感動既時刻～

仲有兩星期在照結構，希望一切順利！我會繼續保持輕鬆的心情！畢竟，放鬆才是最好的安胎方法～加油呀BB～

新玩具 - Food Processor

未到SOGO感謝日就等唔切去敗家！
FOOD PROCESSOR想買左好耐！近日睇得JAMIE OLIVER太多！想SPEED UP煮飯時間，實在少不了佢！
睇過咁多間，最齊貨係SOGO！有KENWOOD同BRAUN揀！SALES姐姐話係歐洲做～仲有兩年保養！
諗左一陣，Confirm 左有乜功能之後就決定買！（小魚買野係好爽快架！）

就咁睇個盒就見佢好多功能， 都離不開切絲切片，碎菜碎肉打旦！
最BUY佢既就係有個小杯裝置！咁日後為小朋友做粥仔同打少量肉碎都會好方便！

不過因為尋日拎住好多野， 雖然呢個PROCESSOR唔重，不過我仲有街去！所以叫左免費送貨！

遟下寫返個開箱文吧（聽住先）