LC旗艦店三週年敗家記

等左咁耐既週年慶，終於可以買到我想買好耐既26Marmite!!

Marmite 既好處係萬能咁滯！比一般既LC鍋再加上一個鑊既功能！

想買好耐但一直都等，之前德國網賣半價但只得黑色係黑裡！所以都冇買到！

呢一日等到頸都長，身懷六甲既我星期五第一日就去，雖然要排一個小時先入到去買，但都買到26 Marmite!!

揀橙色，係因為我已經有兩個Cherry Red (18 Risotto & 26 Buffet )，同埋我一個橙色都冇呀！

另外就買左Hot Items Cake Stand!! 

其實我好少在家攪高茶，又好少打邊爐，但心裡覺得半價買到Cake Stand真係好抵！總會想到佢有乜用～哈哈！

有多Quota，買埋兩個煲夾，一個粉紅比16AR，一個橙色比Marmite!!

即晚就參考鬼嫁既養鍋心得：洗淨後用油及廚房紙塗均黑色部份（我連蓋內都塗埋）然後放兩日等個鍋吸收D油份，咁開光煮餸就唔會黐底！

見到小花花，忍唔住要敗佢回家！小花花除左可以放雪糕，仲可以放切好既餸（我常常都咁用）或者放蛋沙律

今次一連去左兩日，夠哂皮喇！

清淡晚餐：蒸水蛋＋椰菜炆釀豆卜

今晚想清清地（其實係自己懶惰唔想諗整乜）
O係超市見到有現成釀好既魚肉豆卜，好耐冇食過，買左再諗點整！
想起家中仲有半個椰菜，將佢兩個加埋一齊算～

咁O岩今日未食過蛋（每日一蛋嘛）不如試下蒸水蛋！

蒸水蛋之前上LC Cooking Class 教過！但當時Miss 做完黎既又唔跟Recipe 又老左！
所以我就試下跟 Recipe 做！

材料：
蛋 3 隻 (今日用中碼蛋，用左4隻）
雞湯 300ml

用LC 14 stoneware 放入 Oval25度玩煲中煲

煲滾Oval內既水然後加入蛋＋雞湯既混合物！燉5分鐘再焗5分鐘！

不過可惜當我焗超過5分鐘時打開蓋覺得蛋仲係好水狀，所以我再燉多10分鐘！
雖然好滑，但好“筆”起黎好似有D水咁～下次我都係用返花花碟蒸算！

豆上用20Skillet平底煎Pan 煎至魚肉金黃，然後用LC Marmite 鍋炒椰菜，後加豆上，湯汁只係隨意地加左魚露，糖，味琳
炒均加蓋焗一陣就攪掂！相公大讚豆卜入哂D汁味～正！

終於等到：LC週年慶

一年裡面，最忙敗家既時候，特別係LC，就係3，5，7，9，11
3同9月開倉，5同11係SOGO，7 就係旗艦店週年慶喇！

同往年一樣，身份証號碼有週年數字”3“就可以用半價到旗艦店買最多三件既產品！係咪好興奮？
去年我冇2字，但碰到週年慶後O係UNY有限時半價優惠，我隻紅色Buffet 就係咁樣得返黎！

經過一年多既經驗，我已經定立左幾個開倉不會遇到，只有半價最抵時既ITEMS！希望我可以成功托佢回來！
本來全職煮婦係可以星期五就去，可惜身懷六甲既我要等苦力相公幫手拎野！唯有等星期六吧！

祝我好運！

大家如果想知道詳情，可以去LC既Facebook度Like！咁就可以最快知道最新既Promotion架喇！

花膠海參炆米

尋晚食剩半煲花膠炆海參，本來想再加D花膠再炆一下食多次，不過發定左D花膠用完，懶得發過一批
心想不如試下用D剩餸做個炆米啦！

初初想用媽咪黎炒下～
但當我翻熱煲花膠時，又諗諗，咁多湯，不如放哂D米粉落去咪得囉！炒都唔洗炒！
咁就變成左炆米，初時以為D湯汁好似好多咁～

但蓋蓋焗一陣，D米粉已經吸哂D汁，變成炆米了！

米粉吸哂D汁，好好味～呢個方法果真係好煮意呢～

花膠海參炆腩肉

上次產檢發現BB Size 比原來細左兩週，雖然醫生話超聲波會有7﹣10日的誤差，但醫生都叫我努力一點吃蛋和鮮奶！

花膠及椰菜都是聞說幫助長胎的食物，我都要吃吃啦！

今日就用急凍海參加上早前發定的花膠第一次做炆花膠海參。

材料：花膠兩大片，海參4﹣5條，腩肉8件，乾蔥三粒，薑蔥適量（漏左冬菇5件）

花膠開參解凍後放滾水加薑蔥出水數分鐘（海參要洗乾淨和拆去D內臟（如有的話））

用LC20cm Round 先預熱，用乾蔥爆一下，再入腩肉（腩肉先醃一會）

腩肉轉色後加入其他材料及醬汁（浸冬菇的水，豉油，糖，蠔油，味淋及一些水）

 煮至滾起再加上蓋炆半小時，再焗半小時至一小時，最後加上少許蔥段做裝飾

椰菜呢，相公不太愛蒜蓉炒，今次就用牛油炒，加少少鹽做週味，用白裡媽咪炒椰菜，好快就變得好腍，唔需要加任何水份都可以好腍～

要煲一個湯飲下～用25Oval 咁多料可以煲到5﹣6碗湯左右

近來大愛用18risotto煲飯，細細個，可以煲到1﹣2杯米，其實應該可以再多D
用Cooking Class Miss 教既方法，開蓋煮至出魚眼水，蓋蓋煮5分鐘至收水，再焗10分鐘

好豐富的一餐！

簡單一人前好煮意

做左全職煮婦一星期，日間有好多時候都係一個人O係屋企攪掂！
以前自己一個人食飯，大多數會買快餐或者杯麵就算！
不過宜家肚裡多左個小朋友，要注重返飲食營養，又怕會有肥媽唔肥B（我宜家就係咯），所以又唔敢食咁多澱粉質，好好控制一下體重！

今日就簡單咁煮左個味精拉麵，自己加D魚皮餃同菜！好FULL～
不過味精麵始終都係味精麵，下次都係用個麵自己調味好LU

晚餐本來想食個沙律算，但好似太少！多手整左幾隻雞亦！有菜有肉！

簡單一人晚餐

尋晚又一人晚飯，對自己好D，煎左塊牛扒，清埋雪櫃既羅馬生菜，做就左呢個看似豐富既晚餐！

Grill Pan 夠熱，熱到出煙先放塊扒落去煎，格格紋就輕易出來！
唔係咩新鮮靚牛，只係一塊O係吉豬島買既一盒美國肉眼，但都好好味！

自家制青醬意大利粉

想做青醬好耐，自從去完Cucina食飯，食過用青醬點法包，一直念念不忘，想起鬼嫁BLOG有教做過青醬，一於試試！

簡單地用青醬炒一個意粉做一人午餐！方便又快手！

青醬材料：

蘿勒葉(Basil) 20g
松子仁(Pine Nut) 20g
蒜 兩粒
Parmesan Cheese 1 湯匙
橄欖油 3湯匙
鹽及胡椒少許

松子仁用白鑊炒香

將所有材料放入食物處理器攪均就得左！

三兩下就整好左青醬

呢度就係用以上份量做出黎既青醬，大概4湯匙到

用20cm skillet pan 炒一人前意粉！炒兩炒就攪掂！

用花花碟上碟，食都食得開心D

相公成日話我咁多LC餐具，宜家只欠刀义唔係LC咋～如果有的話，真係要通知聲！等我飛去買！哈哈！

Dinning Out @ Cucina

朋友生日，每年我地都會相聚一下，上次佢請左我食Morton，今次我請佢食Cucina！我地兩個都很愛食餐好！所以一定會趁呢個機會搵個好地方Enjoy Life!!

到步時間仲未夠七點，雖然BOOK唔到WINDOW SEAT，但都可以感受下維港景色！正！

青醬配麵包！我超愛呢個青醬，雖然好似油左D，但味道一定比用油醋更佳！要自家制試下！

 沙律！

我地既指定動作：牛扒，友人點了美國肉眼

  呢個海鮮鍋都幾貴，成五百幾蚊，不過我有折～所以都好抵！
味道當然超正啦！裡面有青口，龍蝦，蝦，魚，帶子，魚好滑好香～令我地一試難忘！
因為用STAUB SERVE，所以個海鮮鍋食左好耐都仲KEEP到暖！
最後淨返D汁，塊包就係用黎沾D海鮮汁黎食！原汁原味～！

傾下傾下，本來冇位食甜品，但最後都被侍應推介我地點左一個甜品SHARE！

個雪巴係波蘿味，另外最上面係芒果粒，中間係菠蘿乾，最底層係用椰汁加埋一D米去做成既甜品

唔算好甜，好O岩我同友人唔太愛甜既口味！令我地都好驚喜呢！

餐牌上仲有好多美食想試！要同友人再黎過！嘻嘻！

簡單沙律

今晚又會一個人晚飯，所以干脆整返個沙律食下！

材料有：羅馬生菜，車厘茄，西柚，烚蛋，蟹柳

樣樣都好有營養又清淡～O岩哂宜家既我食呀！

 用Pale Rose Mixing Bowl 放沙律，個沙律即時升價百倍～

食前再加自己喜愛既沙律醬就攪掂～