BB 手腳模 － 收貨篇

只等了一星期，手腳模收貨了！

手工還不錯！相片是小魚自己加上名字出生日等資料！甘生是可以幫客人加上去的，不過小魚還是愛DIY多一點～
貨真價實～＄800沒有多沒有少～
之前做壞了的腳腳給我做了一個鎖匙扣！雖然不會真的當匙扣用～不過都是用來留念吧！
甘生還送了一只水晶腳給我～不過為何只有一只呢？反正免費的～不強求吧～
日後用來拼在 Kucas 的腳上比較比較一下好了～

總括來說，甘生的作品不比其他的商戶差，只是若果有埋鐵名牌會更加好～

Sunday Brunch at Sorriso

很久沒有外出用餐！
作為奶媽，真的很困身！！
這一日難得可以與友人共聚慶生，拋夫棄子！來一個滿足的 Sunday Brunch！

Search 下 Open Rice Sunday Brunch 的選擇好似不多！吃過Whisk，Harlan，ToTT 都有不錯的體驗！今次想試新的！

記得 Sorriso 有做 Brunch! 有幸一星期前訂枱都有位！

說是 Brunch，其實是 Semi Buffet!
不過質素非常不錯！愛吃生蠔者必去也！

先來看看 Menu 吧！

$458+10% 包一杯果汁或 Sparkling Wine!比酒店的 Sunday Brunch 平很多！

即開生蠔！沒有說明是哪個品種，肉質 Creamy，有濃濃的海水味～配上專用醬汁，中和一點鹹海水味～很愛很愛！一口氣來了一打！（奶媽們都說吃生蠔可以增奶～所以我很努力的吃呢！如果不是要留一點空間試其他東西，我想我會吃更多～！）

南瓜湯，味有點甜！

奶媽又要多添一點DHA，要多吃三文魚～Ham with Melon！陀B時一直不能吃！現在可以吃一點咯！

主菜要了西冷～不過不失～反而薯條非常美味～ 

友人要了龍蝦意大利麵～也不錯喎～

Movenpick 雪糕，雖然我都會吃士多啤梨味，但有朱古力相比下，便輕易分出愛哪個多一點了！

點品只可以說一般，唯有最愛的蘋果金寶最美味

工展會小敗記

年年都要跟相公逛工展會，趁他有個平日假期便一起去逛逛～
不過今年要買的不多！都是吃的～連餅乾都買～我們又是傻的～！

今次最好敗的是雪場蟹！1.8kg 只需＄498~ 來自俄羅斯！比來自日本的平很多！
肉質雖然比日本的遜色，但比韓國新鮮弄的好很多！不會縮水！蟹肉綿綿的！
還有百多元的帶子剌身～大粒又甜，雖不及新鮮般鮮甜，但總可以好好止痕一下～

粉紅小碗

9月開倉時掃左幾隻粉紅Rice Bowl，一直以為只有Antique Rose！
但原來仲有Satin Pink!!

左邊就係Satin Pink，顏色比較深色，碗內唔係白色，仲係 Made in China !!
Antique Rose比較淺色，碗內係白色，Made in Thailand
小魚比較喜歡Antique Rose! 鍾意佢淺色得黎比較柔和
不過，既然開倉執到一隻Satin Pink，順理成章要搵多一隻返黎！要成雙成對嘛

BB 手腳模

近年出世既小朋友真係多攪作！大家都愛為BB做個手腳模紀念，除左美觀，仲可以紀錄著BB既成長！
手腳模有平有貴，平則可以到淘寶選購，貴則搵人上門做～
其實上門服務都唔會貴好多～如果幫襯BABIESRUS賣既手模SET一套都$299，上門做手腳模都只係一千蚊左右～如果DIY失敗便要再買材料，所以其實上門唔會貴好多！
忙著湊BB既媽媽們都係搵師傅上門做吧！很方便又唔怕失敗！

朋友們都推介了好幾間上門服務既單位，最後我揀左甘生～
揀佢係因為佢快靚正～約時間快，做模快，最重要係佢用既物料係樹脂，唔會跌爛～
呢D咁珍貴既紀念品，跌左就冇～所以都係揀長命D既物料好D

鍾意簡單唔花巧！因為重點在於BB的手腳模！咩框咩底色都一切以簡單為主好了！
相片要找活潑可愛的！Kucas比較Cool 好少笑，就揀左呢張相！
希望快D收到成品再在此分享～

珍惜

做左媽媽之後，每日24小時都完全屬於小魚B！
因為全人奶既關係，小魚B可以話係非常Demanding！
可以一個小時喊食兩次！有時食完又唔肯訓！所以我真的忙個不停！
幸好有個很愛我及照顧我既媽媽幫忙，以至我可以有一點休息的時間

幾經辛苦涯過左坐月既呢一個月～（因為只爭取到隔日洗頭，仲要用薑水，洗手又要用薑水，飲代茶，日日食雞）
到左小魚B滿月，我可以落下街！係好感動既事呢～！
第一件事就係帶埋佢去飲茶～
連小魚B都展露出興奮既表情呢～

到左WK5多D，我同相公終於有一晚可以蛇出街食下飯過下二人世界～
不過我地都唔敢走太遠～只外出三個小時，行街都係睇BB衫（已經收左好多仲要睇～）傾計都係講小魚B～不經不覺，小魚B已經完全改變左我地既生活～
今晚做左泵媽（泵母乳出黎餵小魚B）半夜初試泵奶，本來以為很累人～郤可以讓我有機會靜靜咁寫篇BLOG，清下Email~ 呢D 咁寧靜既私人時間，真係要好好珍惜～

來自日本的禮物：Ladle Stand

人人都話Ladle Stand似尿盤！但配上Rose Quartz就唔同！
朋友到日本旅遊，問我有乜想要？其實最近開倉買左咁多Stoneware，真係冇乜野想買了！

友人就送我這個Ladle Stand!
粉紅色不覺得似尿盤啦！幾靚！

日本既包裝真係好靚～

花花Dish集齊了

之前好努力從四方八面儲齊左大花碟！（其實仲有白色架！不過好難搵）
望望下其實細花花都可以儲齊一套！
幸好有網友幫忙～宜家大小花碟都集齊了！

將小花們叠起很彩虹Feel 很美呢～

小魚B的誕生

冇寫Blog兩星期有多！
原因就當然係小魚B出世了！

十月四號晚突然感到陣痛而且有規律地痛！每十至十五分鐘一次！仲有D見紅！
馬上等老公回家入院了！

傻傻既相公以為一入產房就要生！仲緊張到要打比99！
其實過左28週有乜風吹草動都係直上產房架！
O係產房駁機Monitor住胎動及宮縮既情況，再Check子宮口開左未～
結果我一度都未開～要上返產前病房等～
就係咁，我就展開左三十多個小時既陣痛旅程～～～

怕死既唔好睇～

第一晚留院，其實都Keep 住痛，攪到成晚冇乜點訓到咁～
第二朝醫生巡房時Check都話一度都未開！仲話BB個頭O係幾高既位置！
我聽到之後真係幾晴天霹靂！因為痛左成晚一度都未開就好似白痛左一晚一樣！
到左5號，我既陣痛已經加劇為每五分鐘一次而且痛左好多！
涯左成日，到夜晚都痛到訓唔到，成日都要坐起身！因為坐起身感覺冇訓O係度咁辛苦！
幸好姑娘見我咁慘，比音樂我聽下等我Relax下！仲話好多人聽完都會Speed up 開度數既過程！我聽到咁即刻話好啦！
當時已經半夜四點九！再訓唔到真係唯有等天光！跟住姑娘就好好咁幫我Check下有冇開度數！
結果終於有D進展！姑娘話開左就黎夠一度～仲話如果情況一直都係咁，應該第二朝就可以落產房！
我聽到之後有D緊張呀～～～～因為涯多幾個鐘就可以見到小魚B！！！

到第二朝等左好耐終於等到醫生巡房！（痛住等既時間特別覺得長！！）
醫生話開左三度！！！我第一個反應係扁左咀～唔知點解～D姑娘仲話唔好咁啦！已經好叻！快D執野落產房喇！
跟住我就Call  相公去產房等我，傻傻既相公仲問我係咪生得～哈哈～
我就執好野等D姐姐黎送我落去產房！坐上輪椅之後我一直成個人震哂～超緊張！

入到產房，D助產士好熟手咁攪來攪去！幫我駁機Mon BB心跳同宮縮既情況！
再有個Houseman黎幫我吉豆豆吊鹽水！Houseman醫生手忙腳亂咁整到我隻手有D血～
不過算啦～只要佢O係餘下既時間唔好再參予就可以～
結果Houseman真係打完豆豆就走左～嘻嘻～
跟住我既惡夢就快開始～
因為姑娘落左藥等我宮縮密D，教我聞笑氣止痛～
我有記住表姐教我，當Feel到準備痛時就聞～唔好等到好痛先聞～結果都幾有效～
初初聞果幾下，真係有D Wing Wing 地，但之後就冇乜野～可能陣痛勁過Wing既感覺！
冇幾耐相公就入左黎陪我喇！佢一直都比我捉住佢既手！好在全程相公在旁支持！幫忙抺下汗，鼓勵一下～不然我很難撐下去呢～

陣痛去到極點時，就係全個生產過程最痛的一段時間！
果種痛就好似終極便秘一樣！有舊野頂住快要出來一樣！
相反要用力Push BB出來果幾下，我倒覺得唔痛！！聽助產士指導下Push左五六次就生左小魚B出黎！小魚B出世剛剛夠六磅！總算有點交待～
宜家小魚好努力咁日餵夜餵人奶！深宵時份網友們可能會見到我遊走Facebook~因為餵人奶時無所事事唯有上網Read only~ haha

我的快樂孕記 22﹣ 扁咀的小朋友

不經不覺小魚B已經足月喇！宜家有38wk3，尋日去私家醫生度照最後一次既超聲波！

上兩次小魚B都唔合作睇唔到4D樣！今次總算比個側面我睇下！

不過扁咀！唔知係咪唔開心呢～

醫生話BB已經落左盤骨一半，雖然落左幾多同會唔會早D出世冇直接既關係！

不過醫生都話有七八成都係唔洗等到40週！我都希望小魚B可以O係我心中既日子出黎面世！

真係好期待見到你呢～

由呢個星期開始我已經唔敢離開屋企範圍太遠～心怕萬一作動都可以快D返屋企拎野去醫院！

呢種隨時 Standby 既感覺真係刺激！

小魚選擇O係政府醫院生產，因為近，交左咁多年稅，生仔可謂我爭取享用政府資源既好機會！再加上朋友都O係呢間醫院生過BB，即使開刀都有不錯既體驗！所以我很放心比醫院“肉隨針板上”！

好多人都好怕要痛十幾個鐘之後先開刀好似好唔抵！但我自己就睇得好開！

可以順產就對我同小魚B最好，如果唔得，一切都為小魚B好去做，所以就算真係要痛十幾個鐘後要開刀，我都會欣然接受！

有時人就係咁，唔係A就係B，只要能夠接受到A或者B既結果，就不用辛苦自己去日思夜想，左諗右諗～倒不如隨心去啦～

Lavender 系列之一家團聚2

話說上次出左張 Lavender 一家團聚相，發現尚欠 Soup Bowl + Rice Bowl!!
於是用開倉買多左一套既 18cm Round Plate 跟谷友交換！
驚喜地有谷友願意交換！！！
尋晚終於順利帶佢地返屋企！又急不及待咁同佢地影返張全家幅啦！

2013 Sept Private Sale 總收穫回顧

開完倉一星期！終於交換好又交收好D敗物！
有些敗物想下都係唔要，比左其他朋友～
以下既都係一雙一對既敗物！
影完好耐先發覺拍漏左一對～

Small Serving Bowl，連埋之前開倉買既Lavender，湊成三色雪糕～

長方形碟係意外啦！朋友買開預左我一對！放埋 Mini Bowl & Dessert Cup，真係好靚呀～

Dessert Cup 其實都係意外！朋友A執到一隻SP比我，朋友B尾二果日又幫我班到SB！嘻嘻！

相公DAY 1幫我敗左兩隻 SP Mini Bowl，幸好遇到谷友同我換SB，一對真係好靚！

可愛既 Rectangular Plate，未諗到點用！但總會有用既～哈哈！

Cereal Bowl Set! 原來18cm Round Plate上放 7"Cereal Bowl 係咁靚架！

宜家勁鍾意用LC碗時加返隻碟！好似靚好多咁～哈哈！

Wave Oval Dish + 20cm Oval Plate 其實覺得 Oval Dish 好似好淺唔知有乜用途，不過諗諗下用黎焗甜品，小菜色都唔錯！決定留佢O係身邊！唔用都要放 Display 欣賞下！

Spicy Jar!! 又係意外啦！朋友B幫忙買左一對！可以用黎放鹽糖！未捨得用住～

今次D Stoneware 太美！我同相公講，第時搬新屋要申請一個Display 櫃比我放LC Stoneware !!

最後係發現影漏左 10cm Round Cocotte！

呢個圓盅仔雖然細細個，但除左可以燉蛋燉奶放下沙律之外，都可以玩下焗蛋架！下次我試過再放上黎分享下先～

簡單沙律：青瓜蟹柳沙律

早上食左個豐富早餐，午餐想食得 Light D！
買左條青瓜，加上屋企既蟹柳同芝麻沙律醬，就做成左簡單沙律！

講起整青瓜沙律，大家都會想起鬼嫁推介既泰國刨吧？
我冇買到！因為鬼嫁效應一個本應很平既刨比人炒到幾十蚊一個！
有一日O係吉吉$12蚊店見到個類似既！買黎玩下！

刨出黎既效果都唔錯丫！

整完放入雪櫃雪一陣先食！再配返杯果汁，好似好健康咁丫！

Cup Cake

好耐冇整過蛋糕，尋日下晝好得閒，於是利用家中現有既物資做左紙包蛋糕！
參考簡易食譜內既紙包蛋糕做法，為開倉買返黎既 Silicone Cup 開光！

材料：
低筋麵粉 100克
牛奶 60ml
熔牛油 50克
糖   80克
雞蛋  5隻
雲呢拿香油 1／4茶匙
塔塔粉 1／4茶匙（我都唔知係乜黎，但可以用兩茶匙檸檬汁代替，目的係想打蛋白時穩定D）

將蛋白同蛋黃分開

熔左既牛油加入牛奶內，拌入已篩麵粉輕輕攪勻，再加入蛋黃及雲呢拿香油

用打蛋器將蛋白及砂糖打至企身，先加檸檬汁，糖要分三次加入

太耐冇整蛋糕，打得唔夠企身，所以呢張相都唔及格！要再打耐少少！

最後將蛋白混合物分三次加入蛋黃混合物中

將混合物倒入Silicone Cup內，用180度焗25﹣30分鐘，出爐前可用牙簽試下吉下蛋糕熟透未，

未熟既話會有混合物痴住牙簽

Square Plate 開光 : 鹽麴烤黑毛豬扒

開倉雖然曲終人散，但敗家既興奮仍未停下來！因為大家都在Group 內交換一些戰利品！
好似我買左兩隻Satin Pink Square Plate，但開倉咁多日都只係得 Satin Pink，Satin Blue 竟然冇出現過！膽粗粗問下谷友有冇人肯換～Lucky Me! 有谷友用佢代購回來既 Satin Blue Square Plate同我交換！代購應該比從開倉入手貴一點呢！
不過難得代購幫她找不到Satin Pink，就做就左我倆的交換吧！
好開心～
本來我不太愛 Square Plate，因為真的很重！但同 23 Round Plate 相比，Square Plate 只貴$10！仲要可以Serve 多D Purpose!!例如宴客時可以放多一點菜！
想不到既，想買Square Plate 的人是相公吧！
相公從七月週年慶時就話Square Plate很美！很想買！但當時只有Kiwi色！所以我沒有采佢呢！
直到VIP Day 見到有 Satin Pink!!! 想都不用想就買左兩隻～嘻嘻～
當尋日換成 Satin Blue 時，相公一看就不禁讚很美很美！還馬上跟它們拍照！
嘿嘿～這是我買LC多年來的第一次呢！
相公今次真的中毒了！

要為Square Plate 開光，就簡單做個黑毛豬扒吧！

上次在CC Super 買了鹽麴，今次又烤一下豬扒，再用來炒一個小棠菜苗～

真的簡簡單單又一餐

自覺鹽麴比醬油麴更易入味！只需醃大半小時，用200度焗兩邊15﹣20分鐘便可！
第一次用鹽麴炒菜，炒軟菜後加一茶匙鹽麴就已經很有味～不錯不錯！

煲中煲 ﹣ 椰汁燉燕窩

媽媽從家裡拎左D燕窩黎，我教佢用煲中煲燉，做法非常簡單
浸完D燕窩用冰糖用小火燉一小時就攪掂

煲中煲 18 Risotto in 26 Marmite

食前再加椰汁攪均