我的快樂孕記 9﹣ 結構超聲波

等到頸都長，終於等到20週，可以去做結構超聲波！
結構超聲波既目的係要檢查BB各個器官的結構是否正常！
我之前都有擔心，因為身邊有朋友試過因為照結構時出現問題，最後要同BB SAY GOODBYE！

感恩既係！BB一切正常！
好多媽媽都會在20週照結構時用4D照，其實所謂4D，就係3D加動畫咁睇～照完會有返隻DVD比你留念！
不過我當時冇諗過要照4D，只在同一間診所預約照結構，懶理佢係乜D

雖然只係超聲波，但每一個器官醫生都會好仔細地檢查，先睇胎盤的位置，胎水量，再由頭骨開始，睇下D組織發育成點，骨架正唔正常，有冇兔唇等等
總括黎講，我最睇得明既，係BB既側面！其他醫生在數手指，腳指我都大約看到～其他我都只係睇到條骨比較清楚D！
可能今次主要照每一個器官，沒有一張看到完整的BB的超照！

不過唔緊啦！最緊係BB健康正常！
過兩個星期又會再到私家醫生度檢查，到時又可再次見到BB！

總算放下左心頭大石，可以開始為BB物色用品喇！不過買野之前，要執下間屋先～要預留空間比小B呀～