星期三, 1月 30, 2013

越洋敗物 ﹣ LC Coastal Blue Oval 25cm

偶然遇上一班敗婦,攪起越洋敗LC~雖然冇至愛既MARMITE鍋,但都身痕入左OVAL 25cm (早知買大少少,只係少少就夠我放兩個湯盅!)

不過新買返黎都唔理咁多!急不及待用左先~!



Coastal Blue, 有漸變色,好靚~


剛好放得落兩個心心鍋,個PINK COOL TOOL就要屈起少少~


同CHIFFON PINK放埋一齊~真係好襯!我打算長放O係度~嘻嘻~


制成品:簡單版燉奶~

星期二, 1月 29, 2013

HXBC小敗LC﹣第一擊

網友留意到HXBC網上有LC可敗,價錢仲平過開倉!!咁震撼既事我梗係唔會放過!

用自己張卡(已用上好多好多年)上網換左呢三件!
其實其他STONEWARE都好吸引,只係咖啡杯同湯盅我都有了~

好忍手地敗左呢三件~(但又話係第一擊!因為之後仲有第二擊!)




STAR RAMEKIN~我揀左紅色~不過STAR RAMEKIN比心心還要細~
做小小甜品比小朋友O岩D


PREP BOWL,最大SIZE係1CUP既份量,跟住綠色係1/2杯,1/3杯同1/4杯~
因為係軟膠倒野入細樽口就可以屈一屈就倒到入樽~唔怕倒瀉!


南瓜 CASSEROLE~
見到南瓜小可愛,忍不住敗了!相公話用粉紅心心做甜品唔夠佢食,用南瓜應該會好一點!


仲有第二擊,耐心等候中~

星期五, 1月 25, 2013

臘腸雞煲仔飯一週

最簡單既晚飯,就係煲仔飯加個菜!
最懶既餸,就係臘腸MIX。。。因為醃唔切雞肉未入哂味都可以有臘腸平衡返!

唔覺意地,今個星期做左兩次!
第二次數我都唔想架,只係到超市時排骨唔靚,就變成臘腸雞吧!



第二個,用無骨雞扒做~

淘寶敗物:手機套及LC磁石

又身痕淘寶去!網友都推介在淘寶買LC,我唔敢試!只敢買老翻磁石!


質量不錯!


仲有手機套!
價廉物美!初時仲擔心顏色會差很遠,但結果好滿意!

星期三, 1月 23, 2013

煲中煲 ﹣ 牛奶燉花膠

人家成日話LC煲中煲燉野好~我就未試過!
今次第一次燉野,試下用3.6 牛奶黎燉!
我家得20同22cm 既LC鑄鐵鍋,搵左個14cm既stoneware黎燉,效果不俗!
不用買14cm Cast Iron 吧!

材料:
花膠一片
牛奶
冰糖
紅棗幾粒
薑兩片

水滾計,燉1小時



訂左既LC Silicon Mat 未到,用毛巾頂住先~


放好哂材料,開始燉


一個鐘後,花膠已經變得好腍~正!

星期二, 1月 22, 2013

玩命遊戲﹣ 種香草

我係植物殺手,種野成日都唔會記得淋水!
所以過往有不少植物都死O係我手上!

近年開始多煮飯,多用香草,一直都淨係用乾香草!因為方便!

跟朋友去了漁農展(我第一次去)到花墟走走,睇到有一盆盆的百里香、薄荷及迷迭香!

好奇一聞,真係比乾香草香好多呀!而且店主話只要日日淋水就可以,算粗生喎!
於是我又開始玩命遊戲!不過為左可以令佢地長命D,我決定叫相公淋佢D花時幫我順手淋埋!
我係植物殺手,佢唔係嘛~

用吊盆,貓咪們不易接觸,很安全!



呢棵迷迭香好壯,小姐見我買了百里香,就把這棵迷迭香平給我!!


從此,我家便有新鮮香草用了~!!

星期日, 1月 20, 2013

Cooking Class @ Le Creuset - 炒菜炒蛋示範

除左學野,其實呢個Class都幾毒!同學們問了老師,究竟最少有幾多個LC先叫齊全呢?

老師答:黑底鑊(用來炆炒都得)平底煎PAN,坑紋GRILL PAN,仲有兩個可以做到煲中煲既ROUND OR OVAL 鍋!



全個課程至毒既係,炒菜示範!

老師話黑底先可以用黎炒餸,先有鑊氣!我一個都冇添!

示範用32cm既大Marmite 鍋!老師先教用少量既水先把鑊加熱1﹣2分鐘,直至出煙就為之夠熱!
夠熱後倒走熱水,掃油,加熱至出煙,就可以開始炒菜!


幾有鑊氣~!



示範完炒菜,有同學問淺鍋除左無水蒸,仲有乜用途,老師就教炒蛋!

掃既油都比較多!不過出黎既效果一D都冇黏鍋!而且仲有滑蛋既感覺!正!


原來只要鍋夠熱,三兩下就弄出唔黏鍋既滑蛋!


上完呢個 Cooking Class 真係得著太多!除左識得多左點用LC鍋外,WISH LIST仲多左個鍋!就係大大鑊Marmite鍋!哈哈!

因為除左可以炒野外,仲可以做埋煲中煲!又可以炆野,炸野!一舉多得呀!

同LC做Facial - Pots ﹠ Pans Cleaner

早兩日學人玩燉洋蔥點知失手,攪到CHIFFON PINK燶哂!

經過整燶STAUB既經驗,再試過GRILL PAN成日起焦既問題!白色底既煲煲燶左我都唔怕!

方法就係加水,加白醋煲滾水唔開蓋再浸一晚,跟住D黑焦就好容易起出黎!

當然起出黎之後,我都要同白色煲底美白一翻,始終燶過會有少少”烘“

於是就O係七折既時候入手Pots Cleaner!!



其實經過我一翻努力,白色煲已經大致回復美貌,不過其實仲有D烘係洗唔到~


用左Pots Cleaner之後,好似同個煲做左個Facial一樣,白返好多呀~可能影相唔係好覺!不過我覺得Pots Cleaner真係GOOD!!
我仲用埋佢黎清潔煲底!成個煲由內至外都乾淨哂!

LC鍋咁靚,得閒都要同佢地保養下呀~


經過今次,CHIFFON PINK的確花左少少。。。不過救返條命已經好好~

今日好敗!LC Spatula

1月份LC又做7折,睇下D Spatula 折左都係百零蚊,好似幾抵玩!

仲有一SET掃加刮都只係238,仲平過七折!好難唔買!



除左SET,我仲買左甜椒Spatula,鍾意佢紫色,鍾意佢可愛既樣,鍾意佢夠大塊!

於是一買,就買左3支 Spatula!!!

將佢地放O係 Satin Pink Spatula Crock,襯哂色!靚哂!


星期六, 1月 19, 2013

Cooking Class @ Le Creuset - 荔芋油鴨煲

SOGO Thankful 時入左Chiffon Pink 看看Newsletter 先記起原來可以登記上 Cooking Class!!!
梗係唔放過呢個機會!

一月份既 Class 有蟹焗糯米飯同荔芋油鴨煲,因為我唔食得蟹,所以揀左油鴨煲!



Cooking Class 歴時個半小時(不過都 Over run!) 主要係資深用家教路點樣保養,正確使用,介紹LC既最大效能~煮餸示範變得其次!

呢個課堂真不錯!提提大家唔好錯過,只要一張單買夠一千大元就可以,當然開倉唔計啦!

油鴨先加水煲幾分鐘後焗最少10分鐘,然後斬件
芋頭切大件後,先爆油鴨,再加芋頭粒炒



然後逐少逐少加入浸過油鴨既水至約1cm多一點,然後蓋蓋煮10分鐘


10分鐘後不要打開蓋,減火至出煙後又減火,過程大概減左3次火左右,然後關火焗10分鐘
打開蓋加入少許椰奶攪均


攪攪下D芋頭就散開同椰奶混合


最後加入蔥段,全程不用調味,怕太咸可以加少許糖

星期四, 1月 17, 2013

Risotto的變化 ﹣ 菠菜魚肉Risotto

今日去吉豬島買餸,突然很想食菠菜,在想,不如弄一個意大利飯吧?
手上的菠菜應該用得著,跟住就去搵肉類,想過放雞肉,不過見有切好的腍魚柳,小小地~試一下~!


魚柳先用少許鹽及胡椒醃好
菠菜烚好切粒,餘下的可以做菠菜卷

魚肉先略煎,盛起

同做一般的RISOTTO一樣,先將洋蔥炒軟,放入意大利米,加50ml白酒

當白酒被完全吸收後加入上湯,每次放一點(約兩至三湯匙)一邊攪直至上湯被米吸收

重複多次至飯的硬度達至可接受的程度(有人愛軟,有人愛硬一點)

之後加入魚肉一起煮熟

加入菠菜粒及Parmasen Cheese,愛粘口一點可再加一點Mozzarella Cheese


O係吉豬島見到有塊和牛特價,只需79蚊!即買!
和牛同澳洲牛既分別真係好大,和牛真係好香!

學網友教,凍鑊下油,輕易煎出格格紋!
時間所限,菠菜卷只加甜豉油,都好好味~

蜜糖麥包

低卡牛奶吐司失敗後,我又做晨早吐司,今次唔用白糖,改用蜜糖!
因為蜜糖真係好香呀~!


用左麥包既食譜改良一下

材料:

高筋麵粉 200g/300g
全麥粉 30g/50g
酵母 3g/4.5g
蜜糖 15g/23g
鹽 4g/6g
牛油 20g/30g
水 170ml/255ml


包包繼續好軟~


不過今次D孔好似大左,唔知點解呢?

星期三, 1月 16, 2013

我的廚櫃﹣LC放在哪 II

經過上集既展示,左睇右睇,仲有再整齊D既空間~
於是今日路過LIVING PLAZA又買左兩個架返黎潛建一下!

整理完後相公都很滿意,讚我很有心機整理廚房,我心想,其實我只是想整理一下,預備放更多戰利品吧!

昨日又在網上敗了兩件STONEWARE,我要為它們找定個位置嘛~