星期四, 8月 29, 2013

我的快樂孕記 20 ﹣ 奇妙的胎動

踏入33週,小魚B既胎動真係越踢越起勁~
不過要捕捉佢咁大力既胎動一D都唔易!因為佢好飄忽,當你想捕佢時佢又靜左落黎!呢一晚我終於捕捉到奇妙既一刻!
頭十多秒都係我既呼吸,直到14秒左右小魚B開始轉身(好似地震咁!)跟住大力BELL左我兩下~大家睇唔睇到呢?話係BELL,因為左邊個位應該係小魚B既PAT PAT黎~!唔通佢PAT PAT咁有力?



星期二, 8月 27, 2013

醬油麴黑豚扒 ﹣ 大成功!

朋友代訂左一堆黑豚扒!塊塊1cm咁厚!仲連骨既!相公一早想試!
從冰格提前一日拎到下格雪櫃,第二日用醬油麴醃過夜!

用Grill Pan 略煎兩面至金黃,再入焗爐用200度兩邊焗10分鐘左右

今次係好成功呀~因為醃過夜好入味,黑豚肉質好滑~因為厚身,先煎後焗,鎖住肉汁又唔會乾,仲好Juicy!!

星期五, 8月 23, 2013

再接再勵:醬油麴焗雞扒

上次整豬扒,今次整雞扒!
用多左醬油麴(一湯匙FOR一塊雞扒!)改醃左三至四個小時
結果入味左!


呢一晚係粉紅之夜!



當然少不了長胎恩物花膠螺片湯啦!



美食展收穫

最後一日去美食展,原來都好多人!可能因為好多家庭主婦去掃貨吧!

今年買唔到靚既急凍大蝦!轉移買左日本生果!最正既就係$115就買到個富良野哈蜜瓜!我同相公兩個人一次過KO左!真係後悔只買左一個!
另外溫室柑仔都好正!最後一日減價大半至$30!真係好好味~唔知平時CC SUPER有冇呢~
調味料都係我TARGET之一!偶遇呢兩支味淋同調理酒,兩支好似$50仲有兩罐酒送!
味淋我成日用,用黎代替酒咁醃肉,整日式野必備!
料理酒可以煮青酒煮蜆,豬軟骨!
近來熱賣既醬油麴!同鹽麴一樣可以用黎醃肉!只需$25

呢SET膠盒係無意中見到既!

因為家中其實冇乜儲物膠盒(除左鴻褔堂果D之外)所以買左呢SET
$148有四個長方型盒
呢SET膠盒既賣點係有抽真空功能!
除左放海味可以冇咁易發霉之外,醃肉仲可以比平時少D時間!
SO FAR我未感覺到呢個好處!
最大既SIZE我可以放到4個奶樽,第時蒸完D奶樽可以放入去!感覺乾淨D!衛生D!


零食就買左一堆呢D!只係$2包!平時好似見$4﹣5一包~一口氣買左50包仲送5包!






新嘗試:醬油麴焗豬扒

醬油麴近來大熱,超市一上架就會舜間被掃清!



之前買過鹽麴黎玩!覺得醃豬扒真係好鮮味!美食展買左一包黎試下!跟鬼嫁做左焗豬扒!

不過有D失敗:1. 焗出比較乾2. 醃1個鐘都唔係好夠味

醬油麴搽均豬扒兩面
放入膠盒置雪櫃一小時
然後入焗爐200度焗10分鐘再反轉另一邊焗

結果出黎比較乾又未夠味!



下次要落多少少醃耐D再試下!

星期二, 8月 20, 2013

2012 曼谷喪買喪食之旅- 買買買篇~

今次一行, 有shopping魔鬼友人, 佢買既都比我還要多~!!
有幾多~ 睇下就知~!!


o係terminal21買比老公既tee, 真係好平質素又好, 唔洗再去jj 度慢慢搵~!!



例牌要買d比自己同埋同事做手信~!!


又係手信為主



因為同老公對bath gel都比較sensitive, 所以主力去搵d天然既bath gel~ 都未post哂所有買左既~最抵用係中間果三支bath gel, o係siam paragon既gourmet度有售, 80bt一支, 純天然製造,仲有蘆薈~一定冇敏感啦~!!

星期三, 8月 14, 2013

我的快樂孕記 19 ﹣產檢:BB開眼了!

到左30週多,又到私家產檢既時候!
今次去醫生話BB仍然保持住調左頭既狀態,預計都唔會點變了!
所以應該可以順產!唔洗開刀!
SIZE方面呢,肚仔同腳仔都細一週左右,反而頭又大一週!
話BB咁樣應該出世有5﹣6磅到,係細碼B,佢要我飲下媽媽奶追下呀~實肥屎喇!

醫生例牌轉4D影下BB個樣!今次好神奇!BB打開左眼呀~~~
我睇人地D 4D相睇得多!好多都係合埋眼訓覺!今次見到小魚B開眼!好神奇!
醫生話BB由30週開始就識得開合眼睛架喇!


同場加映O係醫生度入媽媽會仲有禮物送!有三罐BB奶粉可以STANDBY~SO GOOD~


沒完沒了敗LC ﹣ Garlic Keeper & Satin Pink Spoon Rest

敗完個紫心煲成日覺得冇乜野好再敗!不過網上(特別係毒GROUP團購既毒力太得人驚!)
我又被毒了!
Garlic Keeper 除左外表靚!仲有就係佢有氣孔,放左蒜頭落去冇咁易生根(我叫佢做生根

有好心人事做團購!我即時秒速ORDER~~~


仲有粉紅 Spoon Rest!! 真係好靚呀~




多謝好心人~


星期二, 8月 06, 2013

我的快樂孕記 18 ﹣BB 展

一年一度既大型BB展,好多孕媽媽同生左小朋友既媽媽都會去入貨入貨!
之前唔係咁想去迫!但相公話佢星期一放假去應該唔會迫人,同埋想睇下BB野!
於是我地就尋日去左!係BB展既最後一日!
其實我地都唔係太TARGET要拎FREE GIFT!只係覺得有用既先拎!
但兩個人都拎左咁多!




初步點算過,加埋之前去聽講座入媽媽會既FREE GIFT!已經有一打紗巾同十幾條口水肩!
雖然D尿片SAMPLE加加埋埋都好似好多!但初生BB用得好快!相信不夠一星期就會用完!哈哈!

今次去BB展真係想買野架!
Biolane 既護膚係列都係我既目標之一!
因為我本身有皮膚敏感!所以都估計小魚B走唔甩!
同埋初生BB既肌膚咁嫩,都係用D好少少既護膚品好!
買左一大堆!包括Body & Face Lotion, 尿疹膏,洗頭水,bath Gel,奶樽/玩具清潔液,爽身粉液
仲送左D BB清潔水同 Cleansing Gel!!

仲O係Mustela度換左兩支二合一Shampoo+Body Wash

兩隻牌子都來自法國!亦有很多媽媽推介!希望好好用啦!


一心去買野,敗物當然唔止呢D!
仲買左Stokke既High Chair!
本來唔諗住咁早買,但因為難得有折同有野送!所以即買呀!

Stokke既High Chair,即係Tripp Trapp系列已經留意左好耐!
因為佢張櫈可以由細坐到大!大人都坐得!我地O係EXPO度仲坐左好耐~
一路坐一路比人Sell,其實我地之前已經了解過佢既好處~
坐到我都唔想起身呀~因為佢個椅背承托腰好好~所以好舒服!
BB坐既話就可以練習正確既坐姿!


仲有最重頭戲既迪士尼美語世界,呢SET野出左名貴!
有人好BUY,亦有人好唔BUY!
自己就覺得佢係一套比家長同小朋友多D互動既工具!
同時又可以增強小朋友學習既興趣!
從來唔期望小魚B要讀咩名校,要名列前茅!只希望佢可以同我地一樣ENJOY LIFE!
香港既小朋友讀書咁苦悶!從小養成良好既學習習慣都係好事黎!

BB 展仲有書櫃,專用DVD機送,我好鍾意佢個書櫃,因為各個位置都SET好左放D乜書同碟!顏色仲O岩哂我地既小魚B仔仔添!
咁早就買既原因,因為相公好BUY胎教!所以我下星期要開始聽埋一份LU~

星期日, 8月 04, 2013

雞蛋花雕蒸蟹

呢味餸我非常愛!因為我愛花蟹!不過因為敏感唔可以多食,再加上懷孕又唔敢食!
到宜家七個半月,好似乜都唔怕咁~就整一次食少少啦!其餘既由家人分享!

第一次做!上網跟住網友教既方法做!
效果非常得!我一路食一路不禁讚嘆!哈哈!

呢個看似好勁既餸原來做法都好簡單!

材料:
蛋4隻 (約150ml)
雞湯 同蛋一樣份量
花雕 2湯匙
花蟹 一隻




做法:

蟹洗淨劏好斬件

小魚第一次劏蟹!買返黎見隻蟹仲未死!唔攪佢住!直到佢冇哂活動能力先攪佢~安全D!

斯文劏蟹法係用廚房剪!

先剪開兩個蟹鉗,揭開三角位塊野,然後開蓋,剪掉肺葉

然後要用菜刀喇!但唔洗勁劈啦!只係落刀後HOLD住蟹然後拍落針板度就好易被劈開!

咁就可以成功將蟹先生解體!



本來想放落花花碟蒸,但太迫了!唯有用IKEA碟!

先蒸蟹4分鐘,然後倒入蛋漿再蒸7分鐘!

最後加上蔥花就攪掂!

咁既方法,蟹同旦都好滑!蒸完既蟹汁加埋蛋汁咁一齊蒸,蛋有蟹味!

正!

小插曲:原來要用26Marmite蒸野都要搵合適既碟!花花雖然夠位放!

但唔夠位蒸蛋加蟹!

唯有從冷官中搵來IKEA既深碟!好彩放到落Marmite度!睇黎IKEA碟

都不可輕易放棄佢呢!

紫心煲開光﹣花膠炆雞

紫心煲開光!
趁媽媽生日正日,煮餐飯過佢吃下!花膠炆雞,係一個勁簡單既炆餸,但我仍然係做得比較濃味!下次要落少D豉油!多D水!



紫心出場!先爆香薑蔥


加入切好醃好既雞肉略炒至轉色


加入湯汁(湯汁有花雕,豉油,湯,蠔油,水)


用小火炆45分鐘再熄火焗半個鐘就攪掂!



星期五, 8月 02, 2013

我的新歡 ﹣ 紫心

去年買唔到ANTIQUE ROSE心心煲,一直念念不忘!
到有CHIFFON PINK賣,我卻去左旅行!
英國團購有紅心,但我又唔LIKE!
直到我見到CASSIS心心煲~就一見傾心!

不過紫心唔易搵!只有美國先有!
早排有朋友話美國官網有得賣!可惜買唔到!
左諗右諗左好耐~決定幫襯代購!
第一次幫襯代購經驗良好!由訂貨到收貨不足48小時!
真係好開心~

仲未諗到煮乜黎開光之前,就欣賞下先!