慢煮三文魚-浸水版

第一次做慢煮三文魚比較隨意，今次認真起來！買左溫度計，真空機，Dill草

魚用miele defrost（60度10分鐘）再用海鹽黑胡椒橄欖油放入真空袋抽真空

抽完真空可以放一陣先慢煮

容器放入50度的水

再放入三文魚

入蒸爐50度30分鐘慢煮

完成後魚已轉色，但內裡是粉橙色，肉很滑

光吃三文魚不夠呢！配上茄醬意粉

總括來說。浸水法雖然多了一些步驟，但出來效果更滑！沒有抽真空機，用密實袋也可

慢煮三文魚

有了Miele 之後成日想做慢煮三文魚，今日難得有點時間就做了！真的得滑！

網上搜尋慢煮三文魚的食譜不多，只有時蘿檸檬或者黑松露醬版本，本想買一點新鮮時蘿試一試可惜遇不到，買亁的又怕不常用。結果用家中現有的物資做了，幸好效果還好！

三文魚用海覽黑椒少許百里香及橄欖油醃一會

切少許蕃茄粒洋蔥及幾片青檸，我還加少許青檸汁

入蒸爐以50度蒸30分鐘

出來感覺跟全熟差不多，但切開細看肉的顏色轉粉得來不是鮮橙色的，即魚已熟

雖沒有入口即溶的感覺，但真的超滑！比用85度蒸10-15分鐘的魚更香更滑！

下次要用真空機試下

醬油麴焗三文魚頭

三文魚含豐富營養，孕媽媽要多吃！
成日食鹽燒好悶，今次試下用醬油麴！
效果非常正！
只需醃半小時，再用200度焗每邊10﹣15分鐘就攪掂！

無水蒸䱽魚

難得有閒情煮返個中式飯，見超市有黃立䱽賣，仲要＄28.9一條還在游水既！就試下買一條吧！

本想清清地用薑蔥蒸算！但家中同整個屋苑都冇哂蔥賣！

唯有想想不如煎吧！回到家裡見到有樽蒜蓉豆豉醬！就用佢試試啦！

想起家中有LC食譜卡教蒸魚！
就跟佢既方法試試吧！

做法：
先將Buffet 用水加熱，然後倒出熱水！
放入䱽魚，我在底下放了薑，魚身兩邊塗上豆豉醬！

然後加入適量的水，我大約加到水位蓋到魚底

慢火蒸5分鐘再焗5分鐘就攪掂！


煮飯咁多年第一次蒸魚，仲要用LC蒸！相公大讚！日後可以多蒸蒸魚了！

Risotto的變化 ﹣ 菠菜魚肉Risotto

今日去吉豬島買餸，突然很想食菠菜，在想，不如弄一個意大利飯吧？
手上的菠菜應該用得著，跟住就去搵肉類，想過放雞肉，不過見有切好的腍魚柳，小小地～試一下～！

魚柳先用少許鹽及胡椒醃好
菠菜烚好切粒，餘下的可以做菠菜卷

魚肉先略煎，盛起

同做一般的RISOTTO一樣，先將洋蔥炒軟，放入意大利米，加50ml白酒

當白酒被完全吸收後加入上湯，每次放一點（約兩至三湯匙）一邊攪直至上湯被米吸收

重複多次至飯的硬度達至可接受的程度（有人愛軟，有人愛硬一點）

之後加入魚肉一起煮熟

加入菠菜粒及Parmasen Cheese，愛粘口一點可再加一點Mozzarella Cheese

O係吉豬島見到有塊和牛特價，只需79蚊！即買！
和牛同澳洲牛既分別真係好大，和牛真係好香！

學網友教，凍鑊下油，輕易煎出格格紋！
時間所限，菠菜卷只加甜豉油，都好好味～

三文魚意大利飯

悠閒既星期六, 除左做包同鬆餅, 都要煮返個正經晚飯~
老公話想食Risotto, 於是去買左包意大利米同細細支既白酒~
兩樣加埋都唔洗$40蚊~

諗左好耐都唔知個飯配乜餸好~ 因為食緊中藥, 海鮮同菌類都要少吃!!
O係超市見到三文魚扒, 就用黎配飯啦~

第一次自己買意大利米黎做Risotto, 又跟"玩味廚房"本書做~
原來好簡單！

今次買左呢隻上湯, 又有機又冇味精, 下次要試埋低鈉果隻先~

材料：
50ml白酒, 洋蔥, 160g意大利米, 800ml 上湯

1. 炒香洋蔥粒

2. 加入意大利米與洋蔥炒均

3. 加入白酒炒2分鐘至白酒香味被吸收
4. 改中小火, 加入2大湯匙上湯, 炒拌至上湯被米吸收然後再加湯

跟住就keep住加湯同攪拌D飯~大約煮到20分鐘到, 要讓米中心留有一點硬度
然後用鹽同胡椒調味, 可以按喜好加入一點香草~

用新既LC藍色碟上碟~!!

再加埋用上湯煮既菠菜~用哂D LC黎上菜, 食都食得開心D~
好期待明日友人拎兩件戰利品黎~

白汁吞拿魚長通粉

上次整左個蟹柳版, 今次用粟米粒同吞拿魚再做~
又用白汁磚

三文魚凱撒沙律

休假在家, 一人午餐要簡單得黎美味~ (以前好鍾意一個人就食個懶杯麵)
尋日買來有機菜(屋苑有間店賣有機東西, 日日都有新鮮既有機菜賣, 而且只係$25/2包, 非常抵~), 見有羅馬生菜就用黎整沙律吧~

呢種有機羅馬生菜, 感覺比超市買既葉一D, 不過都好甜~!! 

煎三文魚扒

呢個菜超簡單又易煮~

O係超市買新鮮既三文魚扒, 用海鹽同胡椒調味
跟住用LC 26CM  buffet casserole黎煎~
先煎有皮果邊, 再煎另一面, 側面都要煎一下...
然後蓋上蓋又焗一陣, 咁就攪掂~!!!

有機菜心苗係近期至愛(因為我唔愛菜心有花, 菜心苗就冇花喇!!)