星期三, 8月 29, 2012

香草鹽焗雞

今日要慶祝一下, 到剛巧要九龍灣跟友人食飯, 就去了PIAGO買藍青口, 光吃藍青口有點悶, 逛逛下發現有小小的春雞在賣, 話從法國來~!!
馬上選了一隻, 心想試試焗爐的烤雞功能吧~!!

回家時想了一會, 怎樣弄烤雞好呢?真的用轉著燒嗎?
後來思前想後, 決定都是用LC放著他好了~ LC先放些菜, 便不用再額外煮菜~!!
於是就用了三色椒, 色彩美又美味~!!



上網尋一下烤雞的做法, 原來很簡單, 只要鹽便可, 放些香草及檸檬汁更好~
於是就用這三個東西醃雞一會, 放入焗爐200度底面焗10分鐘, 真係簡單至極還有脆皮效果, 下次真的要試試轉著燒的功能~!!


配角弄好, 主角更簡單, 洗淨青口及除去水草, 放入LC BUFFET CASSEROLE內~

加入100ml的白酒, 用中火煮3分鐘再熄火焗3分鐘, 此時青口都會乖乖張開大口~!! 還充滿白酒的香味~!!

這樣做青口, 青口肉質鮮甜~! 正~!!

星期二, 8月 28, 2012

白汁焗粟米蟹柳長通粉

整日都O係屋企閉關, 冇落過街買餸!!
搵下家中既存貨, 整左呢個簡單既長通粉~

材料:
地門粟米(本來想用粒粒, 但發現家中只有CREAM CORN, 照用~!!)
蟹柳
長通粉
白汁磚
脫脂奶

O係JUSCO度見到呢個白汁磚, 好似咖哩磚咁用~好方便~!!
只要$12蚊~!!
裡面有6格磚仔, 今次用左CREAM CORN, 所以落少D磚, 只用兩格~!!



又用至愛既LC BUFFET CASSEROLE 做汁
先加CREAM CORN, 少少水, 蟹柳, 白汁磚, 奶係最後先落, 大約半杯左右, 主要係睇下個汁既顏色同埋稠度, 最後加香草 (我加左至愛既百里香)


長通粉煮好放O係焗盤度, 後加上白汁, 然後係芝士同香草


因為一切既野都係熟哂, 我開200度焗至芝士轉金黃色~


好鍾意D芝士焗到金黃色既樣~!!
因為用好多現成既汁同材料, 除左香草, 我完全冇調過味, 都好好味喎~!!
哥哥見到張相, 話如果係吞拿魚會仲好味~!!
等我下次去超市都入返D貨先~

咁易整, 下次放工返屋企煮都仲得啦~!!

星期一, 8月 27, 2012

敗甲油

初初開始油甲油, 都係用opi, 但後來知道opi以外還有很多選擇~!!
用過sparitual, 因為成份天然, 冇甲荃等有害物質, 孕婦都用得~!! 即係安全啦~!!
雖然唔係孕婦, 但都想用d安全d既產品~!!
sparitual既分店唔多, 要去abeauty bar, 一支要160蚊左右~都唔平~!!

停左一排冇再油, 近來又心思思想油返~ 於是再睇一下~ 
原來安全既甲油, 除左sparitual, 仲有平價d既zoya~
之前用過兩支感覺都唔錯, 放左好耐都唔會好稠, 加上color比sparitual多~!!
可以慢慢睇~
最近幫襯開既店o係尖沙咀開左分店, 非常就腳, 一得閒就去睇下~
一睇就買~一買...幾日內就買左5支~


再加上現有既~ 我真係可以兩個星期日日唔同色都仲得~
要收手喇~!!

三文魚凱撒沙律

休假在家, 一人午餐要簡單得黎美味~ (以前好鍾意一個人就食個懶杯麵)
尋日買來有機菜(屋苑有間店賣有機東西, 日日都有新鮮既有機菜賣, 而且只係$25/2包, 非常抵~), 見有羅馬生菜就用黎整沙律吧~



呢種有機羅馬生菜, 感覺比超市買既葉一D, 不過都好甜~!! 

星期日, 8月 26, 2012

檸蜜雞脾

下晝去完街, 唔想出街食, 又唔想大花心機去煮飯~
又黎個簡單既晚餐!!

家中冇野多, 就係多蜜糖, 保健用既最多!! 煮飯用既都唔少~!!
見到大大隻雞脾, 就諗不如焗雞脾~!!
單單係蜜糖焗會覺得單調, 就用少少檸檬汁同香草醃左一個鐘, 再放入焗爐焗~!!
焗雞都要好花心機, 要分幾次加蜜糖。

雖然有d燶, 不過味道都唔差~ 如果可以醃耐d仲好~!!

星期六, 8月 25, 2012

Prince Hotel Lunch Buffet

其實好少去食BUFFET, 通常都係因為公司要慶功, 就O係公司隔離既酒店黎一個LUNCH BUFFET~
今個WEEKEND本想同老公去下HIGH TEA或者SUNDAY BRUNCH, 不過見到HIGH TEA都係甜品為主~ 又冇乜興趣~ 至於SUNDAY BRUNCH, 又未有乜野心水, 所以不如諗下LUNCH BUFFET~
於是找來老公去過既PRINCE HOTEL, 帶我見識見識一下

PRINCE HOTEL既LUNCH BUFFET唔算多種類, 但每一樣食物都好精美同好食~
冇好似大鄉里咁周圍影相, 佢既熱食, 大都係用LC煲SERVE~!! 好靚~

最深刻既, 就係即場煮既白酒煮藍青口!! 雖然肉質冇法國食過既好~ 
但都已經係O係香港食過既算很好既一次~!!
我都老公都ENCORE~!!
另一樣深刻既, 就係麵包蟹~!!
初時我地見蟹身O係冷盤度, 冇蟹蓋, 以為係普通既蟹~ 
到我地打算開始食甜品時, 見到D蟹REFILL, 就見到原來係麵包蟹~!!
麵包蟹既蓋有好多橙色既糕, 我同老公每人KO左半個蓋之後都感到非常滿足~!!


從呢一刻開始, 我愛上了麵包蟹~!!
不過蟹糕膽固醇咁高, 我都不敢多吃~!!

星期五, 8月 24, 2012

簡單晚餐

前兩晚整左一個簡單晚餐~!!
簡單, 就係D湯係買既~

菜, 係用BUFFET CASSEROLE 煮, 3分鐘攪掂~!!
最花功夫既, 就係用GRILL PAN 煎豬扒~!!

用呢個GRILL PAN, 我都死好多細胞, 因為我未控制到個火力~
細火得制, D 扒就好似蒸咁~ 白色既~!!
大火D, D 汁就開始燶~ 最後就要洗得辛苦D~!!

所以, 我諗下次煎豬扒, 都係快手煎靚左兩邊, 跟住就放入焗爐焗熟佢算喇!!
今次好努力咁煎D格格紋~ 終於靚仔~!!



呢隻醬, 係O係IKEA買, 酸酸地~ 配扒都幾好味~!!


老公鍾意加辣, 就加左呢隻醬比佢~!!

敗最愛~

今年實在去左好多次旅行, 再加上抱恙...
老公下令今年唔可以再搭飛機去旅行~!! (即係唔洗搭飛機既地方仲有機會~!!)
為左補償, 就用我的最愛黎補償吧~!!
想買好耐, 但從來都好少O係HK買, 因為比起O係巴黎買, 實在貴好多~!!
又爭扎買最大既SIZE好, 定係中SIZE好~
結果諗諗下, 大係好, 但放多野都係重...所以揀左我最想要既呢個~!!


蒜蓉蒸蝦

用LC做鹽焗蝦都做得多~ 今次試下用LC 蒸蝦~
鬼嫁既BLOG教過用LC可以做無水蒸蒜蓉蝦~ 
就用O係美食展買來既花竹蝦試試~
之前O係美食展買過一次大大隻既花竹蝦~ 當時做過鹽焗同美極, 真係美味極~ 今次到美食展再入貨~!!
$240兩盒, 比起超市賣188/十幾隻虎蝦還要平~
我地食蝦, 只要夠大隻, 虎蝦花竹蝦都係好味既蝦~!! 

D蝦有幾大, 放隻平時用既义埋去比較下~



用至愛既LC BUFFET CASSROLE, 26CM剛剛夠放哂9隻大花竹蝦~
O係蒜蓉度再加入香草~!! 蒸完出黎已經好靚~



上碟時加入甜豆做配菜~ 好COLORFUL呢~!!

星期二, 8月 21, 2012

黑木耳蒸雞

黑木耳有益, 滋補同減肥都得, 在超市就可以買得到! 再買來雞脾肉用黎做蒸雞, 不用吐骨真方便~!!

雞脾去皮去骨用酒, 豉油, 糖醃一會, 再加少少生粉等D雞滑D~

黑木耳用熱水浸15分鐘後洗淨就用得~!!

今次第一次用LC既Buffet Casserole來蒸~!!
呢個LC既好處係, 蒸野唔洗用蒸架就得~!!
只需O係餸度加一至兩湯匙的水~ 用中小火蒸3分鐘再用小火蒸2-3分鐘再焗一陣就得~
方便快易咁入廚, 就係LC的最大價值~ 當然美貌都好重要吧~!!




同場加映飯後糖水,腐竹旦糖水

星期一, 8月 20, 2012

2012 曼谷喪買喪食之旅- 酒店篇

同友人想去旅行好耐~ 遇著勞動節可以請少D假去旅行~!! 於是快快成行~!!
今次主力去行街買野食野~所以酒店既budget唔多~
二月時住過asok區, 覺得不錯~ 可惜上次住terminal21 out左budget, 
於是上網搵下附近有冇其他hotel, 果然比我搵到間好新淨, comments又唔錯既酒店~

呢間酒店非常新, 冇香港人~!! 因為冇泳池同gym, 只有簡單既早餐~
酒店不大, 只有幾層, 但價錢能o係hkd500樓下~又在asok, 真係好抵~!!

2012 曼谷喪買喪食之旅- 飲飲食食篇

雖然兩個女仔, 主力係去shopping~!! 但睇返d相, 真係食左唔少野~!!

到曼谷既第一餐, o係酒店安頓好之後就到terminal21食飯~ 



跟住就去到siam shopping, shop到不見天日, 跟住就到siam center既greyhound食飯~
朋友介紹必到既地方, 著名既單骨雞亦真係唔錯~!!


第二日就去jj market, 我地中午前先去, 未必去博命之前先去對面有冷氣既餐廳補給先~!!
呢一餐真係好豐富~!!好好味~!!


o係jj 既收穫唔算好多, 但都不錯~ 行到累, o係度飲左杯青檸茶~
冰涼感覺返哂黎~ 义足電就可以再行~!!


夜晚去左zen先行一轉~ central world呢個地方, 冇可能唔去~!!
今次, 仲要去兩日~!!

o係zen隔離有一堆餐廳~ 都可以一試~

又係central world既餐廳~ 叫mr. lee

o係central world高層度都有好多餐廳~ 偶然遇上這一家賣沙律為主既餐廳~
發現粉絲沙律既美味~!!就此愛上了~!!



呢個quick lunch, 就係o係siam paragon地庫內既一家~
好多人排隊~!!


呢個係o係terminal 21發現既地道餐廳~ 好好味~
特別係佢個粉絲沙律, 今個trip食左好多次~!!



同一家餐廳, last meal o係度encore~!!

2012 曼谷喪買喪食之旅- 遊樂篇

今次個trip, 可謂幾嘆, 因為晚晚shopping完都去按摩~!!
去得最多~係terminal21果間let's relax, 因為佢開到夜晚12點, 可以shop到last minute先去按摩~!!玩到盡呀~!!

友人鍾意泰式~ 但我怕比人拉拉扯扯, 就join左個dream package, 
百零蚊hkd可以玩90mins ,包括按腳同埋頭肩頸~!! 真係好抵又好正呀~!! 
所以日日都玩呢個package!




友人唔gym唔得, 去到旅行都要~!! 當然我地間hotel冇設備, 就去左gym club,
佢既帶領之下, 我就可以free of charge去游左一個鐘水~
因為係閒日既關係, 我一個人可以獨佔成個泳池~ 真係爽到震呀~!!
不過, 我都係喜歡hotel有pool多d, 下次都係唔好慳~要去有pool既hotel~!!

快易沙律

突如其來的假期, 在家休息~ 一個人食午餐, 最簡單就係整沙律~!!

超市賣完了羅馬生菜, 就買別的有機菜吧~
這個Baby Spinach都不平, 40多塊(夠我買一大包羅馬生菜喇~)
不過都好大盒, 可以分兩次食~!!



以為家中仲有煙三文魚~ 回到家才發現已經吃光了~!!
光吃菜太單調, 找來仿蟹柳~!!
隨意用自己喜愛既芝麻沙律汁~ 加點芝士碎~
簡單隨意的沙律就攪定了~!!


再加上至愛的紅西柚汁同車厘子~
誰說一個人午餐弧單~
都可以吃得很開心呢~!!

星期五, 8月 17, 2012

11週年首爾嘗櫻之旅

四月份係紀念同老公拍拖週年既月份~!! 今年係第11週年~!!
上年去左歐洲, 今年二月去左泰國~ 四月, 最好就係去嘗櫻~!!
但去日本又會擔心幅射, 所以就選擇去首爾!!

零晨機很早到首爾, 冇事可做~ 先到明洞酒店放下行李, 整頓一下,
就到附近搵個地方飲杯咖啡~!!

清晨既明洞, 真係有D冷清~



晨早七點幾, 只有這家店在開~


很愛東甩配咖啡~!!


HEA左一陣, 決定去汝矣島公園碰碰櫻花~

只可惜, 櫻花未開~只得執幾朵來影一下~

跟住就再去梨大逛逛吧~
仍然沒有櫻花~!! 十點多~ 沒幾家店開左!!
四圍都冇錢唱, 都係返明洞食野好了~!!


今次住明洞, 真係超方便~!! 買完野就上房休息同放下戰利品再作戰~!!
雖然酒店細細, 但乾淨同方便真係勝過哂所有野~!!