Shiseido Maquillage 敗家篇

一直都很愛用眼線筆, 化妝畫了眼線眼看起來大一點, 而且精神一點!
不過用過很多牌子的眼線筆都會有化的情況! 可能小魚屬油眼吧! 很多時畫了數小時後下眼便有眼線化的跡像！
用過　Bobbi Brown, Kiss Me...即使用眼線液都會很易化!
早前到 Shiseido  補給化妝品時多口問了有冇不易化的眼線筆, BA便推介了這款 Perfect Fine Liner WP
雖然都不算平, 印象中都要二百多元! 但墨用光了可以配! 而且筆尖很幼很易控制粗幼線!

當發覺開始乾時先按一下出墨水, 感覺比一般的眼線液更可控制筆的濕度! 因為市面很多眼線液筆都很濕, 畫出來很不自然而且比較難乾!

這支眼線筆快乾，真正防油（試過太多說防油但油眼還是不能），持久（放工回家都沒「變熊貓」眼）

之前那些眼線Gel 筆都可以說不再見了~哈哈

Shiseido 美白精華敗家篇

產後覺得皮膚差了許多！加上公司家裡都長開冷氣令皮膚很乾！加上全幅精神心意都放在小孩處，自己就疏於打理！

一直都是資生堂的捧場客，上次買化妝品時送了一組Revital系列的新產品，sample有10ml,短短用了一星期左右，面上暗粒退了，皮膚明顯改善了，變得沒那麼暗啞。感覺得神奇！又一次證明世上沒有醜女人只有懶女人的道理！

其實這個精華有抗衰老及美白功效，對於產後覺得色斑多了的媽媽很有幫助！除此還可改善暗啞，黯黃的膚色等，只用了數天就感覺大不同！但這支精華素確很貴！40ml便要1200大元！早幾天到sogo shiseido vip facial體驗，再試用這支精華，原來現時有限量80ml $1800!用東亞卡更可以有5%或以上的回贈！於是很豪氣地買了！回家抽到10%回贈！感覺又平左呢！嘻嘻！

用這個精華最重要配合一分鐘簡單按面，最適合我這個繁忙的媽媽。大愛！

Sunday Brunch at Sorriso

很久沒有外出用餐！
作為奶媽，真的很困身！！
這一日難得可以與友人共聚慶生，拋夫棄子！來一個滿足的 Sunday Brunch！

Search 下 Open Rice Sunday Brunch 的選擇好似不多！吃過Whisk，Harlan，ToTT 都有不錯的體驗！今次想試新的！

記得 Sorriso 有做 Brunch! 有幸一星期前訂枱都有位！

說是 Brunch，其實是 Semi Buffet!
不過質素非常不錯！愛吃生蠔者必去也！

先來看看 Menu 吧！

$458+10% 包一杯果汁或 Sparkling Wine!比酒店的 Sunday Brunch 平很多！

即開生蠔！沒有說明是哪個品種，肉質 Creamy，有濃濃的海水味～配上專用醬汁，中和一點鹹海水味～很愛很愛！一口氣來了一打！（奶媽們都說吃生蠔可以增奶～所以我很努力的吃呢！如果不是要留一點空間試其他東西，我想我會吃更多～！）

南瓜湯，味有點甜！

奶媽又要多添一點DHA，要多吃三文魚～Ham with Melon！陀B時一直不能吃！現在可以吃一點咯！

主菜要了西冷～不過不失～反而薯條非常美味～ 

友人要了龍蝦意大利麵～也不錯喎～

Movenpick 雪糕，雖然我都會吃士多啤梨味，但有朱古力相比下，便輕易分出愛哪個多一點了！

點品只可以說一般，唯有最愛的蘋果金寶最美味

小魚B的誕生

冇寫Blog兩星期有多！
原因就當然係小魚B出世了！

十月四號晚突然感到陣痛而且有規律地痛！每十至十五分鐘一次！仲有D見紅！
馬上等老公回家入院了！

傻傻既相公以為一入產房就要生！仲緊張到要打比99！
其實過左28週有乜風吹草動都係直上產房架！
O係產房駁機Monitor住胎動及宮縮既情況，再Check子宮口開左未～
結果我一度都未開～要上返產前病房等～
就係咁，我就展開左三十多個小時既陣痛旅程～～～

怕死既唔好睇～

第一晚留院，其實都Keep 住痛，攪到成晚冇乜點訓到咁～
第二朝醫生巡房時Check都話一度都未開！仲話BB個頭O係幾高既位置！
我聽到之後真係幾晴天霹靂！因為痛左成晚一度都未開就好似白痛左一晚一樣！
到左5號，我既陣痛已經加劇為每五分鐘一次而且痛左好多！
涯左成日，到夜晚都痛到訓唔到，成日都要坐起身！因為坐起身感覺冇訓O係度咁辛苦！
幸好姑娘見我咁慘，比音樂我聽下等我Relax下！仲話好多人聽完都會Speed up 開度數既過程！我聽到咁即刻話好啦！
當時已經半夜四點九！再訓唔到真係唯有等天光！跟住姑娘就好好咁幫我Check下有冇開度數！
結果終於有D進展！姑娘話開左就黎夠一度～仲話如果情況一直都係咁，應該第二朝就可以落產房！
我聽到之後有D緊張呀～～～～因為涯多幾個鐘就可以見到小魚B！！！

到第二朝等左好耐終於等到醫生巡房！（痛住等既時間特別覺得長！！）
醫生話開左三度！！！我第一個反應係扁左咀～唔知點解～D姑娘仲話唔好咁啦！已經好叻！快D執野落產房喇！
跟住我就Call  相公去產房等我，傻傻既相公仲問我係咪生得～哈哈～
我就執好野等D姐姐黎送我落去產房！坐上輪椅之後我一直成個人震哂～超緊張！

入到產房，D助產士好熟手咁攪來攪去！幫我駁機Mon BB心跳同宮縮既情況！
再有個Houseman黎幫我吉豆豆吊鹽水！Houseman醫生手忙腳亂咁整到我隻手有D血～
不過算啦～只要佢O係餘下既時間唔好再參予就可以～
結果Houseman真係打完豆豆就走左～嘻嘻～
跟住我既惡夢就快開始～
因為姑娘落左藥等我宮縮密D，教我聞笑氣止痛～
我有記住表姐教我，當Feel到準備痛時就聞～唔好等到好痛先聞～結果都幾有效～
初初聞果幾下，真係有D Wing Wing 地，但之後就冇乜野～可能陣痛勁過Wing既感覺！
冇幾耐相公就入左黎陪我喇！佢一直都比我捉住佢既手！好在全程相公在旁支持！幫忙抺下汗，鼓勵一下～不然我很難撐下去呢～

陣痛去到極點時，就係全個生產過程最痛的一段時間！
果種痛就好似終極便秘一樣！有舊野頂住快要出來一樣！
相反要用力Push BB出來果幾下，我倒覺得唔痛！！聽助產士指導下Push左五六次就生左小魚B出黎！小魚B出世剛剛夠六磅！總算有點交待～
宜家小魚好努力咁日餵夜餵人奶！深宵時份網友們可能會見到我遊走Facebook~因為餵人奶時無所事事唯有上網Read only~ haha

一蘭初體驗

從未去過一蘭，今日有多個Mission 在銅鑼灣，所以特意在午飯時間前一點來到一蘭！
11：40AM到，等到約12點就可以坐低！

只有一款麵，O係張紙度寫上個人喜好～O係室內排隊時就要填定

坐位前都放左初次到訪指南

 冇得Order 氣水，但可以飲冰凍水～

我Order 既係濃湯，普通油，要义燒，青蔥，追加半熟蛋

义燒很薄， 兩片唔夠，下次要追加先得

湯濃而不油，麵係普通硬度再加上係幼麵，感覺清新唔會好飽滯～

必定再 Encore!!

Dinning Out : Le Salon

同友人相約在銅鑼灣遊走一天過後，到LE SALON 法國餐廳晚飯

餐廳佈置以黑白為主，Setting 比較高雅！

我地都點左Set Menu 裡的三個 Course，有兩款 Set Menu 可以揀 $398/$458

我地都被煎鴨肝同慢煮牛面肉所吸引，所以揀左$458 既 Menu

呢個開胃菜係送架～上面係火雞肉，配蘋果蓉，感覺清新！

精美既麵包籃，麵包暖而鬆軟～我地三個女仔清哂～哈哈！

頭盤黎喇！煎鴨肝！

主菜係慢煮牛面肉

呢味菜我自己都學過煮過，感覺餐廳做出黎既比較清，而且蘿蔔冇咁腍

當然牛面肉係好腍啦～而且唔會有“穌“既感覺

甜品係Brûlée Waffle，食完兩道菜加麵包已經飽飽地，不過最後我都KO左！

因為上面既焦糖燉旦薄薄的唔會好漏，Waffle 又夠鬆軟

好似好耐冇去過法國餐廳食晚飯～感覺不錯，不過如果同樣價錢想豐富D，我都係會揀Chez Moi

High Tea @ Cucina

自從Join 左MPDE之後，閒時同朋友去Tea 飲野都自動自覺去左Marco Polo~
今日朋友突然約去Tea，諗都唔諗就想去Cucina！

本來想坐Window Seat但好曬，所以冇坐到！

悠閒既下午，同朋友倆開心傾計～
我要好好珍惜呢段咁自由既日子～因為小魚B出世後我就冇咁得閒喇！

鍾意佢D食物的的骰骰，不過我地兩個女仔都食唔哂～

Basil BB 之近況

睇黎今次可以除去植物殺手既稱號喇！

因為Basil BB 長大左好多呀！成熟了！

其實都係全因有達人指點！

因為之前相公一下子將所有種子都種在一個盤度太迫喇！

宜家每一棵BB都有足夠既空間生長！所以好快就識得向橫發展！

再用埋有機肥仔水，BB好壯呀～

唔知除左Pesto Sauce同煮蕃茄東東，Basil 仲有咩用呢？

2012 曼谷喪買喪食之旅- 買買買篇~

今次一行, 有shopping魔鬼友人, 佢買既都比我還要多~!!
有幾多~ 睇下就知~!!

o係terminal21買比老公既tee, 真係好平質素又好, 唔洗再去jj 度慢慢搵~!!

例牌要買d比自己同埋同事做手信~!!

又係手信為主

因為同老公對bath gel都比較sensitive, 所以主力去搵d天然既bath gel~ 都未post哂所有買左既~最抵用係中間果三支bath gel, o係siam paragon既gourmet度有售, 80bt一支, 純天然製造,仲有蘆薈~一定冇敏感啦~!!

玩命遊戲﹣ 種香草 UPDATE：BB長大了

今次好用心咁去種香草！
好小心咁一稞稞咁去轉盤，等佢地有多D空間生長丫！
宜家Basil BB 們又長高左，葉又開始變大了！
但距離出面買到既Size 好似仲有好遠路呀！！！希望可以成功啦！

好快又要換盤咯！

Dinning Out @ Cucina

朋友生日，每年我地都會相聚一下，上次佢請左我食Morton，今次我請佢食Cucina！我地兩個都很愛食餐好！所以一定會趁呢個機會搵個好地方Enjoy Life!!

到步時間仲未夠七點，雖然BOOK唔到WINDOW SEAT，但都可以感受下維港景色！正！

青醬配麵包！我超愛呢個青醬，雖然好似油左D，但味道一定比用油醋更佳！要自家制試下！

 沙律！

我地既指定動作：牛扒，友人點了美國肉眼

  呢個海鮮鍋都幾貴，成五百幾蚊，不過我有折～所以都好抵！
味道當然超正啦！裡面有青口，龍蝦，蝦，魚，帶子，魚好滑好香～令我地一試難忘！
因為用STAUB SERVE，所以個海鮮鍋食左好耐都仲KEEP到暖！
最後淨返D汁，塊包就係用黎沾D海鮮汁黎食！原汁原味～！

傾下傾下，本來冇位食甜品，但最後都被侍應推介我地點左一個甜品SHARE！

個雪巴係波蘿味，另外最上面係芒果粒，中間係菠蘿乾，最底層係用椰汁加埋一D米去做成既甜品

唔算好甜，好O岩我同友人唔太愛甜既口味！令我地都好驚喜呢！

餐牌上仲有好多美食想試！要同友人再黎過！嘻嘻！

開倉過後，廚櫃迫爆了～

開倉過後，又係執拾上架既時候！

之前都幾頭痛，因為今次買左十幾隻碟同十隻碗！！！！

雖然家中既廚櫃有D位，不過都要整理一下～

本來唔爆既廚櫃，宜家已經迫爆喇！

相公話放D Ikea 碟果度係冷宮～

回歸

因為iCloud既關係，我成日想轉返用iPhone，咁樣寫BLOG過相去iMac度就會方便好多！

本來想等多幾個月新iPhone出先換，不過最近部Note I 被迫 Upgrade OS之後就慢左好多～令人好忟憎！

於是相公就借生日為藉口送我iPhone 5 了！多謝相公！

從此，我的電玩一家都變回蘋果，回歸果粉了！

生日禮物

好明顯我唔係想曬老公送我咩生日禮物，因為今年我未有想要既野～

咁呢份生日禮物，其實係CC SUPER一年一度既禮物，我覺得收左幾年禮物，好似一年比一年厚咁～

HERBS，兩瓶小JAM，圍裙，今年係呢個～！

係PANCAKE粉同糖漿～NICE！週末要試下整黎食先～