象印暖壺焗粥仔

除左用Miele 煲粥仔之外，假日如果只想整一餐粥仔拎出街，用象印暖壺就非常好！

今日整粟米粥仔，簡單方便

用象印焗粥只需將一餐嘅米放入壺內加入滾水焗三個小時就可以變成咁

粥身好綿，同時加入幾片豬肉吊味

拿起肉片，都熟哂

粟米入miele蒸15分鐘然後用food processor 打蓉

將粟米蓉倒入隔渣

用匙壓

壓到只剩渣

將粟米蓉倒入粥內攪均便可

象印暖壺真係超好用

LC Fans Favourite

LC早幾個月推出左星期五優惠，只要到LC HK facebook選fans favourite就可以選購優惠貨品，貨品種類連開倉貨都有，有些價錢跟開倉一樣或許有些會貴少少，但不用迫又方便呢！

每逢星期五早上十一點便會更新優惠，每項貨品限量出售，手快便有手慢就冇咯！

今日小魚就入手18 cherry red sauce pan!!$990 only!! 

可以親自到中環店取貨省卻$150運費！

Sauce pan係單柄煲！好耐之前有antique rose冇買到！但今日眼見不用1000就可以買到18Cm煲真爽！

16cm saucepan日本賣緊16xxx yen都要過千架！

所以大家有時間都可以留意下fans Favourite 

隨時有意外驚喜架

越式蒸粉包 By Miele

媽媽用蒸爐可謂用得非常熟了！今晚媽媽弄左一個越式蒸粉包過我吃！太美味！用蒸爐蒸出來比用明火更滑！

自家制蒸粉包，做法可以好簡單！可用現成的腸粉來做皮，甘筍沙葛肉碎炒熟（鍾意吃蝦都可加一點蝦肉！）

炒好餡料用腸粉攤開包好放入蒸爐100度蒸8分鐘便可！食時在上面加上蔥油及乾蒜，再配自家制越式魚露就非常perfect

Le Creuset 中環店週年慶2014

一年一度中環店週年慶又到喇！

今年係中環店4週年！身份証有4字就可以去店裡每日掃三件貨品！

全場半價有乜最抵買？

小魚過去買過26buffet(宜家知道amazon italy最平！）26marmite,cake stand呢啲都係半價時買呢！大家可細心做下research先去搶購呀！

由舊年開始，週年慶都要一早去排隊！太誇張喇！仲要貨品好快被清倉！大家要去之前做足準備呀！

去年最搶手貨：26/32 marmite, cake stand,粉紅stoneware

如果大家想買煲，半價都係一個good deal!! 朋友去年就買了20bis！bis係黑裡，18-20呢啲炆野good size！用黑裡可先爆香材料再加汁炆，原煲爆炒炆及上枱極方便呢！

Miele燉花膠湯

花膠湯煲過好多次，煲中煲燉又試過！

買左蒸爐，當然要試一試燉湯的滋味～

家中有許多花膠，為花花煲開光，早一晚就用花花煲浸發定～

平時用淮山杞子瘦肉及花膠燉湯，這一個次沒有淮山，改用㘣肉，顏色深一點，湯又甜一點～用Miele燉湯超方便！只需把所需材料加適量的水入煲內（我是用冷水），原煲用100度燉3小時！期間完全不用怕乾水滾瀉，可輕鬆地午睡一會～嘻嘻！

Blogger們所說的輕鬆煮真的沒錯！花花煲八成滿的份量足夠三人飲！

想多飲一點下次可以用22 Round~

很法國風的餐廳 - La Creperie

在上環工作，很多時都發現食驚喜！

今日就來到一家很法國風的餐廳食crepe

很愛法國的crepe有咸的！而且很薄得脆！有芝士有蛋都不會很滯！

Order 左其中一個lunch set 有la complete

同chocolate crepe(可選butter/sugar/caramel/chocolate)

超愛它邊位仍很脆！芝士不會太多！吃畢仍有空間吃個甜的！

選了chocolate,很美，很薄，很脆，很多朱古力醬！可惜吃不完！

餐廳很有法國氣氛！店員都是法國人！客人一般都是法國人！感覺好像回到巴黎旅行時一樣！很懷念呢！有機會要跟相公一起再回味一下！

Miele蒸爐煲粥仔

買蒸爐最大好處係可以不用看火地煮食！煲BB粥都可幫大忙！

平時煲BB粥，要先浸米，肉出水，再連料明火煲個半小時，其間要不時看火攪拌！

用蒸爐，可以浸好米肉出好水後整煲入爐用100度蒸個半小時，出來雖然水米分開的樣子，但其實米已很棉！只需再用明火滾一下便變成很棉的BB粥！

這個是冬瓜瘦肉粥（小魚B仍未吃肉，只吃有肉味的粥），從蒸爐拿出來就是這樣子！

冬瓜拿起用blender打成蓉

幾秒後便成蓉了

再放回粥底內滾至適合BB食用的稀杰度

雖然家中都有很多媽媽愛用的電子煲粥煲，但容量只夠吃一餐！我用LC16BB可煲四碗BB粥，午餐時兩碗，餘下便放入象印保暖壺便可晚飯時餵啦！

所以，有了蒸爐，從始為小朋友煲粥也變得得輕鬆！