Miele燉花膠湯

花膠湯煲過好多次，煲中煲燉又試過！

買左蒸爐，當然要試一試燉湯的滋味～

家中有許多花膠，為花花煲開光，早一晚就用花花煲浸發定～

平時用淮山杞子瘦肉及花膠燉湯，這一個次沒有淮山，改用㘣肉，顏色深一點，湯又甜一點～用Miele燉湯超方便！只需把所需材料加適量的水入煲內（我是用冷水），原煲用100度燉3小時！期間完全不用怕乾水滾瀉，可輕鬆地午睡一會～嘻嘻！

Blogger們所說的輕鬆煮真的沒錯！花花煲八成滿的份量足夠三人飲！

想多飲一點下次可以用22 Round~

煲中煲 ﹣ 淮山妃子燉花膠湯

入左Antique Rose16 Round之後，一直想做燉湯！
趁這個下晝有時間，做左次吧！

材料：
花膠一片
妃子幾粒
淮山四片
薑兩片
瘦肉
螺片一片

煲中煲今次既組合係16round in 25 Oval. 可惜粒的太高蓋唔到蓋，要拆的！O係孔上換上錫紙密封！照樣可以燉！
等水滾先將細煲放入Oval內，我今次燉左兩個鐘再焗左半個鐘
下次可以燉多半個鐘再焗耐D！應該會再入味D，因為已有螺片O係度，個湯完全唔需要調味！正～

忌廉磨菇湯

做忌廉磨菇湯唔係第一次～第一次做時用榨汁機做，D磨菇唔知點解攪極都咁大粒～
今次用Food Processor幫手！未用個Blender已經比上次細滑好多！
參考鬼嫁的食譜做～過程需時！

材料：
啡及白磨菇約各10粒
牛油20g
麵粉4湯匙
洋蔥半個
雞湯500ml
忌廉 180ml
份量同鬼嫁有少少唔同，因為我鍾意香D忌廉，所以加多D～湯我落少D，因為想濃D同唔洗咁大煲～用22Kiwi Marmite煮剛好～

先用牛油炒洋蔥至透明

加入磨菇粒及一湯匙麵粉炒勻

加入雞湯煮滾加蓋煲20分鐘

加入忌廉再加蓋煮10分鐘

用Blender 打滑個湯（冇手影低Blend既過程～）Blend完真係滑左好多

滾多5分鐘再加海鹽調味～咁就攪掂喇！

食得有營 ﹣ 蕃茄薯仔三文魚頭湯

好耐冇煮過飯！原因返工太累！放工只想到街外吃吃便極速回家！

難得呢一日放假在家，就煮個有營晚餐吧！

一直我都唔愛蕃茄薯仔湯！因為我係個愛吃薯條薯片但唔愛薯仔的人！

不過，網上見人家可以用黎煮三文魚頭湯！就好想試下！最多將薯仔們都交給相公！他超愛！

蕃茄薯仔湯本來就係簡單野！將瘦肉換上三文魚頭，只要放熱水前把魚頭煎一煎便可！

我是西人，我沒有落薑辟腥吧！只用鹽及胡椒來醃一下魚頭！

我愛洋蔥，加入薯仔先炒一下！

盛起薯仔原鍋煎魚頭兩邊

慢慢加入熱水！滾30分鐘

然後加入蕃茄再滾15分鐘

最後加少少檸檬汁，及調味～正！

相公太讚個湯之餘，竟然大讚用 Marmite 煲湯都幾好喎！嘻嘻！其實我心裡在盤算買返個26黑裡Marmite 煲湯炒野～呵呵！

同一晚就將開倉既18 Risotto 開光！Risotto 最好就無水蒸！

最簡單黎一個蒜蓉蒸蝦二人前！

淮山杞子煲雞湯

其實煲湯我一向都唔叻，一向好聽中醫話唔好飲邊D邊D湯，所以我都好少煲～

不過太耐冇飲又唔得，中醫話可以飲淮山杞子煲豬骨，上次煲左都OK，今次就想煲雞！
反正一隻雞都係三十幾蚊，價錢同豬骨差唔多！

不過O係超市買雞就冇人幫你起埋皮！

唔緊要！睇過電視教起雞皮，應該唔太難！唯有自己起！

用LC煲湯，有好多方法，我先煲45分鐘，焗半個鐘，再煲半個鐘，再焗半個鐘！
其實唔係我勁要咁玩！只係我試過煲左大半個鐘焗完半個鐘覺得未夠味，於是再煲多半個鐘再焗半個鐘後再試味就好好多！

今晚用左靚色三煲黎開餐

再用Cassis Cereal Bowl 放韓國士多啤莉～靚～！

Boxing Day 靚湯：花膠淮山紀子湯

好耐冇煲過花膠湯，上次用高速煲黎煲，太大煲，飲左好多日！
今次將份量減半！用LC 22cm 煲，一D都唔走水，又唔會滾瀉！

材料：
花膠一大片
淮山1両
杞子一湯匙
薑兩片
瘦肉

一直都好懶發花膠，成日都係想煲之前一日浸定！不過朋友教，可以一次過浸定一D，其餘既可以放冰格慢慢用！

呢個份量，可以兩個人飲兩日！只需煲個多小時，已經好入味！