蒜香大蝦意粉

好似好耐冇煮過飯咁～
呢一日去逛CC Super，本來想買藍青口，但轉個頭就賣哂！！！
於是心心不憤要搵D海鮮食下！
見到肥肥既麵包蟹真係好想食！不過大肚媽媽不宜食蟹！
唯有買下蝦！
見到有西班牙紅蝦同天使蝦，即時想起玻璃珠教過整紅蝦炒意粉！
問下職員，佢話天使蝦用黎炒蝦味會濃D，而且價錢係紅蝦既一半！
於是就買左天使蝦黎試試！

＄150 六隻，雖然好似幾貴，但當你試過之後就會覺得真係不能與一般蝦相比！

先落鑊煎香天使蝦至八成熟

盛起熟蝦再落蒜片及已浸既蕃茄乾炒香，再倒入浸蕃茄乾既水做成汁煮滾後落意粉及熟蝦炒均

上碟時再加上幾片新鮮 Sweet Basil 又靚又好食！

同場加映上湯浸生菜，用鰹魚粉加少許鹽開出黎，清淡得黎總比白烚好吧～