新玩具

宜家個個都要有個麵包機O係屋企旁下身咁~ 信用卡都有得換麵包機~
愛吃包包既我梗係唔執輸, 用新卡買至愛再換取麵包機~!! 呵呵呵~
咁以後返工就可以食到新鮮tailor made既包包啦~!!! yeah~

雖然呢個麵包機好大部, 內心都掙扎左好耐好唔好要佢,
但, 一來怕自己得三分鐘熱度, 好快玩厭, 二來要買部心儀又嬌的的既象印又好貴~!!

思前想後, 終於留低左佢~!!
但weekday返工實在太累, 特別剛放完病假返工仲累, 晚晚要趕回家煲藥(做左真正既藥煲)
所以冇時間試, 直至今日happy Friday!!

終於有時間細閱下本menu,每一個細節都好detail咁教你, 仲有tips同recipe.
本來上網都搵左一D recipes, 最後決定跟menu玩一次!! (反正一次通常都會失敗居多~!!)

買齊哂材料, 今晚先開始動工, 但大頭蝦既我, 放好哂材料後乜都冇set 就按start!!!!!
見住D材料攪左幾下...覺得好得意~!! 睇左一陣, 先發覺：係喎, 好似未教timer!!!
跟住好似好勁咁停機教時間, 教完之後：依, 唔郁既？係喎, set 左timer D材料又點會咁早攪呢？跟住唯有放棄timer,照去啦~!!!

用basic mode做白麵包, 要三小時!! @_@ 今晚可以夜D訓~!!