Le Creuset Private Sale 2013 ﹣ Part 3 （最終回）

又話唔再有Pot Stand，BBQ Pan 又預左冇～ 最後都決定比多一次機會佢！

尋晚叫相公早D訓，為既就係今朝要第一批入場！

幸好BLOG友早左去，我地可以排十幾！好開心～～～～～～

今朝一路排隊一路向隊友放毒！！好開心咁渡過左排隊既三個鐘！

相公今次第一日去，佢入到去就上身係咁拎野！（不過都係一D我前幾日睇過唔要既野！哈哈！）

佢仲向我勸敗！執左幾件野話買左先！

結果今日既收穫都唔錯！多得谷友同隊友既幫助，讓左好多美美既東西比我！真係勁開心！

呢隻Pale Rose Mug，我見左兩日都冇買，但相公一見到就拎左比我，因為佢知我會鍾意！
其實係好鍾意架！不過我家有太多Mug!! 不過佢 Approve 我買一隻！仲唔買咩！哈哈！！

呢個係今日既 Best Buy 1 號！多得BLOG友慷慨相贈！我超鍾意！因為去年9月開倉後悔冇要到！
今年呢隻差唔多！我可謂失而復得呀！多謝你～

呢個Jug，我之前成日話想買，佢同磨東東Mortar一樣，想買與唔買之間！

前兩日見到有紅有綠都吸引唔到我，就係呢隻 Volcanic 可以打動我！

相公話：買啦！應該會有用既！

（其實我地打奶泡既 Jar 已經好方便～真係唔知Jug 小姐會有乜出場既時候！）

小花花，友人去代敗時都問我要唔要，我當時又好似上年Satin Pink Bowl 咁好理智地話唔要！
但今日見到實物時！真係好難抗拒！！
隊友問我有乜用？我話用黎放雪糕！隊友即買，仲讓左一Set 比我，既然緣份來，我擋都擋唔住！嘻嘻！

呢個又係被勸敗既 Ramekin!! 前兩日買左 Pink! 今日友人話要有埋粉藍先至係一Set!
雖然我已經有3 set Remekins....結果又衰左～！哈哈！但真係好靚～！唔買就會後悔！

呢隻Cereal Bowl!! 去左兩日都見到拎唔到今日我見到即拎左盒橙色！因為橙色都好靚！相公好鍾意！

多得BLOG友割愛，本來我只執到一隻，而家可以揍成一對！超開心呀！

呢個盒仔，人地個個都話好用！因為可以入焗爐當焗盤焗旦糕都得！
我就當佢膠盒仔咁用既機會會多D！嘻嘻～如果有粉紅色實

DAY 2， DAY3 ﹠DAY5既收穫！真係好豐富！咁以後朋友黎開飯連碗都可以用LC喇！

身痕拎哂D煲出黎砌樹～雖然D色唔係好 Colorful，但係我都係走實用路線架！嘻嘻

收手了收手了，好似前幾篇先話唔再買Cast Iron，點知今次開倉竟然買左兩個！
不過我都係覺得兩個都會係常常用到既 Size 價錢又抵先敢敗咋！

友人今次都滿載而歸，已經問定 Thankful Week 去唔去喇！睇黎我放毒真係好成功！佢已經浮沉O係毒海之中！