我的快樂孕記 13 ﹣產前講座

今日又係另一個不可錯過既講座！
醫生教左一D BB出世後會遇到既問題同點樣Handle，好似塊面紅左係咩事同要點處理咁～
等我地呢D新手爸媽有所準備！醫生講得風趣又得意～好精采！

不過第二PART助產士教湊B攻略就差很遠了～悶到想訓著！

悶唔緊啦！最緊要係完左之後去換既禮物！
好豐富！

白裡媽咪炒麵

今日聽完講座好眼訓～
起身都成七點！決定黎個快餐！
O係吉豬島買左PACK炒麵，有埋醬汁，自己加左D椰菜同甘筍絲，用白裡媽咪炒，好快就炒稔D椰菜同甘筍，再加埋個麵同附有既醬汁，炒幾下就食得！
非常方便！

我的快樂孕記 12 ﹣第一次聽產前講座

今日第一次去聽產前講座，其實呢D講座都係一D奶粉尿片品牌主辦，好多媽媽都非常擁躍報名去拎禮物！

第一次聽，就去左美素佳兒，呢個品牌D Marketing真係好勁，之前D TVC已經經常出現O係黃金時段！
近來仲搵左Lisa S做代言，拍硬照仲有微電影！
今次仲O係網上放左好多關於懷孕既歴程，睇到我呢個準媽媽都好感動呀～！

講返個講座，一入場聽下講解就送左個三角枕！
呢個三角枕對開始水腫既我黎講非常有用呀！

講座主要講準媽媽懷孕時既營養，及講解餵母乳既好處，仲有教埋幫BB沖涼！
令我驚訝既係， 一家有做嬰兒奶粉既公司，都大力推廣媽媽餵母乳！大讚母乳對BB既好處！
不過當然，佢都有位入SELL佢既媽媽奶粉，因為原來餵哺母乳既媽媽比懷孕時所需要的營養更多！
而且不能單靠食物中吸收到！所以都要飲佢地既媽媽奶粉呢！
不過，我飲唔慣呢個品牌既奶粉，因為太重Vanilar味～

我的快樂孕記 11 ﹣開始購物

本來我都未打算咁早為囝囝添置物品住，想等多兩個月後先開始搜購！
不過，我有個好朋友，佢預產期同我差唔多時間（都係陀囝囝）已經買左好多野，不時向我推薦有乜好買！
最近佢搵到我想買既摺合式既浴盆有Promotion送newborn support!!

呢個浴盤最大既好處係可以摺得埋，好慳地方，而且平底要放到邊度洗白白都會容易D，日後BB唔用時可以當作玩具箱，一D都唔浪費！
當然呢個摺得埋既浴盤比起一般既貴好多！但又可以慳位又可以長用，真係抵過買百零蚊個又阻地方又只用一年半載既浴盤呀！

於是同朋友一人買左一SET，為囝囝揀左藍色～嘻嘻

另外友人仲幫我買左條竹纖維既毛巾，可以做BB既浴巾，竹纖維毛巾既好處係又軟滑又吸水！
最適合BB嫩滑既肌膚！

我的快樂孕記 10 ﹣健康院產檢

今日第一次到健康院做產檢，BOOKING係十點半，我約十點左右到左～
去到有勁多孕婦，好多個肚都已經好大！
等。。。等。。。等。。。等左好耐，十一點半先到我～
第一次見姑娘，姑娘睇完我拎去之前O係醫院既檢查紀錄，就同我傾起母乳既問題，
佢問我諗住餵幾耐～我本想只餵到返工，但姑娘話返工其實都係PUMP一兩次到，叫我返左工都試下～
因為始終母乳比奶粉好好多！對BB既免疫力有幫助～好啦！我會試下～

姑娘好細心咁問我之前有冇唔舒服，宜家有冇唔舒服，同埋黎緊成個孕期佢地都會跟進（即係唔洗再返醫院產檢LU～）
下一次就係返醫院做飲糖水測試～真係好驚！因為父母都有高血糖，我可是高危呢～
希望PASS吧！

見完姑娘再去聽下胎心聲就可以下次見LU～
六星期後再回來！

整體感覺覺得健康院雖然多人，而設施又好似好舊咁，但姑娘都好細心～好過醫院既醫生呀～

臨走比一堆師奶圍住我！原來要我填表入媽媽會！（其實上年我去BB展都入左D會）
佢地要交差，見到有人唔幫佢填就跟埋出門口！
咁我就幫佢地填，點知一填就填左好多張～
收左一堆禮物！