蒜鹽焗雞亦

呢味餸係好懶既時候做最好～

之前一晚用蒜鹽醃定雞亦！

跟住第二日就將D雞亦放入焗盤度，用220度焗半個鐘就可以焗到咁金黃，中間要反一反！

下次要用個網放上面，咁流出黎既雞油就可以隔起，可以兩邊都咁脆！

Pancake

今日終於有閒情整Pan Cake，用CC Super 既生日禮物：Pan Cake 粉

呢種 Pan Cake 粉一杯粉要自己再加一隻旦，3／4杯奶同11／2湯匙溶牛油

用LC 煎 Pan 煎，好輕鬆就可以煎出靚Pan Cake~!!
唔洗用好多油，用油掃掃下便可，見到起泡先反！

咁就靚哂！

補祝生日飯﹣ Morton

同朋友每年最少都會見兩次，因為我地生日就會一齊去食餐好！仲越食越貴！

前年去左 Angelini, 去年去左Steik，今年去Morton

因為今年想食牛扒，朋友就請人推介左 Morton 呢間扒房！

好耐之前已經聽過 Morton，呢一日終於有機會試下！大家都好期待～

一入到黎，就覺得好嘈，可能係 Happy Friday 既關係，穿過好多人既 Pub Area 再走到預先訂好既枱，感覺好迫，同隔離好近！
好彩隔離係外國人，唔怕聽到同被聽到我同友人既對話！

一坐低左就比個 Custom Menu 加分！上面寫左 Happy Belated Birthday~ 真係貼心～

Order 左野食後就上左呢個洋蔥包，好大個，差唔多成個一磅旦糕咁大！
而且內裡好鬆軟～！！我同友人都KO左四份一！

叫左個 Caesar Salad，佢地細心咁幫我地分好左每一人碟！個芝士麵包好好味～

呢一日係FRIDAY，梗係叫出名既PRIME RIB！
因為我唔食得太生，所以改左佢Default 既 Medium Rare to Medium

可能我地叫左 Medium 既關係，覺得比較乾！冇想像中咁好食！所以我覺得都係Steik 好食D！

叫左呢個 Sea Bass with Pineapple Sauce 清新好味～魚煎得夠香～仲有D菠蘿粒，所以令 Sea Bass唔會覺得好漏～

甜品係餐廳送既梳乎里！

餐廳好細心咁同我地影左幅合照，仲即場PRINT成張卡送比我～

最貼心既係，臨走出門口D STAFF仲同我講聲 Happy Birthday~ 真係認得我喎～

韓式雞煲

好掛住韓國既炒辣雞，自己又唔叻食辣，但炒辣雞真係好好味～

網上搵左個食譜，都有幾成似！做法都唔難，於是就跟住試試～

不過我少食菇，所以將D材料改左，但個汁就跟返食譜所講咁做

材料：
雞批兩隻
薯仔一個
甘筍半條
京蔥 半條
洋蔥 半個
芋絲 半盒
椰菜 1／4個
蒜頭 數粒

醬汁：
豉油 4湯匙
味淋 4湯匙
糖 2 湯匙
蠔油 1 湯匙
鹽及胡椒粉少許

甘筍同薯仔用水煮至水滾起

將醃好既雞肉下油炒至轉色半熟（我怕D雞就咁炆唔夠味，就用D味淋，豉油糖醃左一陣）

轉色後盛起

同鑊落京蔥及洋蔥炒軟，再加入雞肉，蔬菜及其他配料炒均，最後加醬汁及蒜蓉

炒均後蓋蓋慢火煮半小時，然後焗半小時

出黎既效果比真身淺色，而且味道偏甜，睇黎個醬汁要再調節一下～

淮山杞子煲雞湯

其實煲湯我一向都唔叻，一向好聽中醫話唔好飲邊D邊D湯，所以我都好少煲～

不過太耐冇飲又唔得，中醫話可以飲淮山杞子煲豬骨，上次煲左都OK，今次就想煲雞！
反正一隻雞都係三十幾蚊，價錢同豬骨差唔多！

不過O係超市買雞就冇人幫你起埋皮！

唔緊要！睇過電視教起雞皮，應該唔太難！唯有自己起！

用LC煲湯，有好多方法，我先煲45分鐘，焗半個鐘，再煲半個鐘，再焗半個鐘！
其實唔係我勁要咁玩！只係我試過煲左大半個鐘焗完半個鐘覺得未夠味，於是再煲多半個鐘再焗半個鐘後再試味就好好多！

今晚用左靚色三煲黎開餐

再用Cassis Cereal Bowl 放韓國士多啤莉～靚～！