我的快樂孕記 7 ﹣ 漫長的等～

距離下次見BB仲有足足一個月既時間，日子好似過得好慢咁！
踏入16週，肚已現型了！雖然返工會著鬆身衫，所以仍未很覺得！但我的體重開始上升了！
宜家重量比懷孕前重左2kg有多！真係要好好留意一下體重！
今日友人補送我生日禮物！係大肚媽媽既恩物！
因為我一早已經預備防肚紋膏，友人就買左支BODY SERUM及LEG RELIEF比我！
朋友很細心，因為懷孕中後期小腿會很累，很容易會出現靜脈曲張，多按摩舒緩一下絕對有幫助！
今晚很想用胎心機聽下BB，可能BB大了！心跳聽得很清楚！而且頻率很快！同O係醫生度聽一樣的快！
我同相公都好開心～每一次聽BB的心跳，就好似聽緊BB講野一樣！
我決定要在未感受到胎動前要多多用胎心機聽下BB既心跳！
真係好想快D感受到BB踢我呀！
但人家話第一胎最快都要20週，我只有耐心的等吧！

我的快樂孕記 6 ﹣唐氏篩查報告＠15W1

醫院產檢＋睇唐氏報告
人家話， 做完唐氏測試之後兩個星期內沒有收到電話即代表通過了！
不過醫院都會安排醫生給我知道測試的結果＝1：8400，算是低風險！安落了！
政府的產檢，很少會為你照超聲波，所以今次冇得見BB，但就可以透過胎心機知道BB心跳好正常！
自己在家聽，又冇在醫院聽得咁快咁清楚！可能我地一直都搵不對位置！

小敗LC ﹣ 紛紅小匙

上完 Cooking Class 買野有7折！就買左呢個！

一直都好想買佢返黎！因為佢同五小花太襯！
但係又覺得好貴！有七折就心郁郁！

睇下，佢同五小花放埋一齊真係好靚～～～～～～～

下次用五小花做布丁奶凍就可以有SPOON襯埋一SET喇！哈哈！

我愛Greyhound!!

冇得去泰國旅行，都要食下泰國野止下痕！
當去尖沙咀既Greyhound，因為早放工，剛七點黎通常都有位WALK IN！
每次黎都要叫單骨雞亦，PAD THAI同凍檸茶！




鍾意青檸既味道！

食唔停口既單骨雞亦！

我一個人都可以KO既PAD THAI～！！

今次叫左呢個海鮮春卷！好好味！

日式飯糰

相公一向愛吃飯！不過我就不太愛！我愛有味飯多D！
出街食飯一定要食有汁送既飯！唔係唔食！哈哈！

回想好似好耐冇食過飯咁！所以去買左包珍珠米加無添加味之素！
用之前O係十蚊點既工具，簡簡單單就做左飯糰做晚飯！

材料

日本米太貴！同等份量要百幾蚊一包！買左包珍珠米試下！都OK丫！
雖然有落味之素，但係我都有落米醋黎調味！

用LC煲飯又快，所以整飯糰既過程連煲飯都係45分鐘內既事！
呢個飯糰相公超愛！仲問我難唔難整？如果唔難，咁咪可以成日食囉？

我的快樂孕記 5 ﹣BB的性別＠14W4

第五次見BB，就是14週多！
這次相公第一次見到成了形的BB！
BB這次在照超聲波時扒低了！醫生說看不到BB的正面！
但度下頭部及尾龍骨SIZE都大約知道BB SIZE ON TRACK！
証明我KEEP住食旦是有用的！
今次見BB，最重要的是：醫生看到BB的性器官！醫生還肯定的說：100﹪是仔仔！如果不是仔仔，你生完來找我晦氣啦！
聽到之後我跟相公都很開心！問著醫生BB的咕咕在哪！哈哈！
其實仔女我倆都喜歡！不過知道性別後好似感覺更加實在！因為我仍未見肚，未感到BB的踢！
現在知道你是男，那媽媽逛街時便可留意男BB的用品了！

LC Cooking Class Again ﹣花雕煲仔蛋

二月份買左煎PAN，又可以同友人一齊上 Cooking Class!!
因為我要4月先得閒，但4月份既班都係煮旦！
雖然個TOPIC一D都唔吸引，不過都要去！

花雕煲仔旦，個名好似好特別，其實就係煲中煲蒸水旦！
不過MISS都冇落花雕！淨係掛住講點用個煲！
可能我已上過一次，今次顯得冇咁期待！
呢個煲中煲係16 in 28 ！28都係我想過要買既SIZE！不過我會忍！
煲中煲既水位要係細煲一半既高度！水滾先落細煲！

冬菇要蒸左4分鐘後先放！然後又再開火蒸多4分鐘！再焗4分鐘！不過我覺得成個過程好似焗左佢好耐！
但MISS話熄左火咁焗，焗耐左都唔會令D旦老！

最後加蔥花就完成！

飯堂＠ TABLE 18

APM平日食晚飯都好難等位，今日係同相公既相識紀念！12年LU！
不過落大雨又唔想週圍去！於是去TABLE 18！

不過去到都要等好幾張枱先有得入！
不過TABLE18去過幾次，每次試既野食都唔會失望！價錢又唔貴！

所以一直都好受歡迎！試過預早BOOK枱，閒日都要人地個半鐘好交枱！因為佢八點幾仲有一堆人O係度等位架！

今次試下水牛雞亦！只係小辣，O岩哂我！

香草炸魚薯條～ 魚柳唔乾好滑！NICE！

煙三文魚千島醬PIZZA！相公好鍾意！

我的快樂孕記 4﹣BB在游泳＠12W4

第四次見BB，就是12週多到醫院做唐氏檢產！
透過超聲波度BB的頸皮厚度及抽血結果便知道BB是否高危！
今次見到BB在游水般玩，又伸手入口！好可愛！
感悘測試後兩星期沒有收到電話通知要再做FURTHER TEST！即是順利又過了一關了！