小魚幸褔生活

星期六, 2月 09, 2013

我的快樂孕記 1 ﹣ 小魚要當媽媽了

登登登登！小魚要當媽媽喇！

坦白說，今次並不是第一次懷孕！之前兩次都不幸在第八週流產！一年內發生兩次，令我痛不欲生！
但感謝天父！我兩次都很快地從天父的愛中活回來！

兩次不快樂的經歷，令我體會多了！人不能不正面地活下去！
今次，我轉了中醫，很用心地自己回家煲藥！聽中醫的指示戒口！
乖乖聽中醫的指示！
感恩認識這個中醫半年後我的身體回復得很好，還可以再次懷孕！

今次為左全力保住BB，我決定向公司申請長假休息至夠三個月才上班！
這個決定並不容易，懶理公司上下同事如何看我！保住BB才是最重要的事！
要媽媽每天來煮飯打理家務！多得家人及相公的支持！三個月轉眼就過了！

2月7日：
第一次見BB，只有4週1日！他只是一個胎囊！因為起初有流啡的症狀，我很早就去見婦科醫生！
醫生見我有肚痛，都幫我照一下確認BB是否宮外孕！
感謝主！肚痛只係飲左媽媽奶粉！胎囊在子宮的中間！位置很好！
相中間兩點白點，就係度緊胎囊既Size係11.2mm !! 因為太早～仲未見到BB，只要知道胎兒的位置在子宫內就可以了～

星期五, 2月 08, 2013

越洋小敗﹣第二擊

越洋小敗第一回只有25 Oval 同 Pink Cool Tool未免太少～
其實同一時間Order左其他野！
主要係Junior系列！香港賣既Junior 系列，只有Mixing Bowl 同 Mini Spatula
但外國還有很多趣緻既東西可買呢！

Mixing Bowl，見到粉紅色已經愛不釋手，爭扎左一輪，要呢個Mixing Bowl 好定係有手柄既另一款，最後都係決定呢款，因為冇咁阻地方！

兩個小正方型既焗盤，漸變既Pale Rose太可愛，本來訂左兩個都係粉紅，但諗諗下，儲返個藍色都不錯！
Size 係13cm, 即係比18cm 既長方型焗盤短一點！
未諗到有乜用途～但太可愛，超買左先！

Cereal Bowl，又係Pale Rose，仲要係漸變色，Size 比飯碗還要大，O岩哂我同相公做飯碗！
彌補左上次開倉我冇買到粉紅碗既損失～哈哈

Cereal最好用，幾乎日日都要用佢～

呢款Storage Jar 有0.8 L。比我想像中還要大！
見到有Cassis點都要買左先～懶理開倉遇唔遇到～

用黎放Capsule都唔錯喎～

星期日, 2月 03, 2013

5小花開光 ﹣紅豆糕

要為5小花開光，當然做小甜品！

睇左大少奶既食譜，一直好想整！
睇落好似幾易做，只係將紅豆沙再加粘米粉再蒸！一於試下！

材料：（呢個份量可以做到好多，我同時做左兩個18cm長方形焗盤）
紅豆300克
粘米粉250克
水 250ml
冰糖（隨個人喜好）

先將紅豆用冰水浸一陣，然後開煲滾起約1500ml既水

開小火煲1。5小時至起沙為止（用LC會快D腍同起沙）然後加入冰糖至熔解為止

粘米粉加水攪均

加入紅豆內攪均（用LC既煮婦，唔好好似我用個鐵攪黎攪架！會整花個煲！）

攪均後倒入花花內
水先滾起先放紅豆漿，我連花花都一起預熱

蒸約40分鐘就夠

嘗試左用25Oval同26 Buffet黎蒸，都係覺得用 Buffet 好！
咁下次蒸糕我都要用 Buffet 黎蒸！

星期六, 2月 02, 2013

HSBX小敗第二擊 ﹣ 粉紅五小花

網上小敗，最大驚喜，就係5小花！
一直都好想買，半價時冇買到，平時特價都要＄488一套！

要有尊貴戶口既信用卡先可以換到～請左朋友幫忙！唔洗11年既年資都可以用超抵既價錢買！平一半有多！！

初初見到網站只顯示紅橙色果套，諗住咁平，紅色都要啦！點知原來有得揀色！

早兩日去中環換南瓜時已經問定粉紅仲有冇貨！等朋友一收到信就去換！