2012 布吉之旅 ﹣ 遊樂篇 Jungceylon 商場

布吉，係一個可以好HEA的地方！這個TRIP，係不想動腦筋的TRIP，沒有計劃行程，只想休息休息！
四日三夜的行程：食，游水，曬太陽同訓！
所以遊樂，只有這些。。。

今次入住Millennium resorts，隔離就是Jungceylon商場！內有Big C Extra（話係Extra，其實我覺得同曼谷果間差不多）同Boots，淨係有呢兩個景點，已經有野買！

除左有BIG C EXTRA同BOOTS，商場都有驚喜，就係我叫佢做MINI JJ MARKET既地庫購物區，雖然格局擺到明就係做遊客生意，而且價錢比JJ當然貴，不過，對於我黎講，可以止下痕也不錯丫

話佢係MINI JJ MARKET，因為見到佢有JJ MARKET賣的東西，
呢間木器就係其中之一！
本來想買一個木盒，但只有最後一個，有DEFECT又唔肯減價，放棄左

香薰店

貨品擺得整齊乾淨，唔似JJ MARKET咁熱咁迫呢

很闊的通道，跟JJ MARKET差很遠呢

呢對東東唔知係賣定係做展覽～

睇完地庫，可以遊返上地正，商場算大，同相公第一晚差D迷路！
有一間BIG C EXTRA同三間BOOTS

仲有好多食店，ROBINSON百貨

食肆林立，都係一D西式餐廳為主

商場內的小車檔

成架車都係賣JJ MARKET果D燈

2012 布吉之旅 ﹣ 遊樂篇 巴東海灘

人家常常話巴東海灘沒其他的美，很美的私人海灘在華欣同沙巴都見識過，不過都未吸引到我在沙灘HEA左一個下晝，但今次去巴東就可以！
其實巴東海灘都有佢美既一面！

布吉之旅

布吉，真是一個好寫意的地方！
這一次相隔十多年後再到布吉，對布吉的印象已經很模糊！
相公要住芭東，貪熱鬧及方便～ 今次行程只有4日3夜（實際只得兩天半）結果我倆選擇了一直待在芭東～“慢”遊芭東～～～

人家都說芭東的海灘不漂亮，但我卻很享受在沙灘不加思想，只看雜誌的一個悠閒下午～
真的想多留幾天～！

相片仍在整理中（雖然有iPad 經 iCloud 串流照片到 iMac中，不過尚有照片於手機呢～）

今晚回家，好像整天都在準備歸來一樣，回到家累透的我，仍要忙著清行李，打掃洗衣～
我可是一個稱職的人妻哦～

遊記，要稍等咯～

Chiffon Pink

今次SOGO感謝週好開心～！因為未到感謝日已經收到GIFT CARD！！

相信係上次開倉後登記左地址同電郵既關係，除左每個月都收到LC既PROMOTION EMAIL，仲有呢個得著～
好開心～仲要係粉紅色～

因為第一日要返工，搵媽咪幫手去拎～媽咪真係抵錫～！！

到左今日放假，梗係要親身到LC COUNTER睇下啦～！

O係七樓見到好多Chiffon Pink 既煲，一直心大心細，又想要Risotto，但得18同24，最後決定要20cm 既 round oven 算了！

即刻配埋個粉紅PIN，襯到絕呀～！

雖然比開倉價貴好多，不過，開倉未必搶到粉紅色，仲要係O岩SIZE既～
所以比自己早買幾個月，早買早享受，差價O係返度～呵呵～

感謝週延續篇﹣1

感謝週既收穫又點止LC咁少丫～

明天就飛，一早就同老公傾好左，執好行李先出去SOGO睇下旅行用品有冇野要補給，就講就有～！

上次感謝週已經幫襯過PACSAFE，我同老公都好鍾意呢個牌子，因為D袋都有防盜功能，去旅行就會更加放心～

話係防盜，都有好幾個特點
第一：就係佢D布料輕身但中間加左網，賊人想𠝹開個袋偷野都唔會𠝹得開！
第二：拉揀係雙拉練，即係唔會比筆一篤就開到！
第三：拉鍊有鎖
第四：帶扣都有鎖
第五：ANTI RFID，即係人地高科技可以READ到袋裡面SMART CARD既資訊，佢連呢D都防埋～

兩件貨品加埋都係530，用埋HSBC之COUPON，唔洗500！抵過用SOGO卡～

ANTI RFID，連PASSPORT既資料都唔會被讀到～真係好勁～

拉鍊旁有扣可以鎖住～

我上次買左個斜揹袋，今次見到呢個細細既，同色同質料，不過呢個仲可以當腰包用，只係二百幾蚊！！

帶扣都有得LOCK住，唔會因為用耐左變鬆好易脫扣

小小既袋都有ANTI RFID，有埋內格同出面小拉鍊格，SALES姐姐話，做埋化妝袋都得呀～

以上總總原因快快買下，咁聽日去旅行就可以安全又輕鬆啦～YEAH～